[214ra] –tenir, et foulléa jusques a la grosse alaine, tout bellement ilz se departoient et s’en aloient seoir sur un fossé ou emmi le pré, et ostoient leurs bacinésb et se refreschissoientc. Et puis, quant ilz estoient bien rafreschis, ilz remettoient leurs bacinésd et s’en venoient combatree; ne je ne cuide pas que onques si bonne besoigne feust, ne si dur rencontre, ne bataille si bien combatue, puis la bataille des Trentef 1 qui fu en Bretaigne, comme ceste de Marteras fu en Bigorre. Et la estoient main a main li un a l’autre ; et la fut sur le point d’estre desconfit Ernenton de Sainte Coulombe, qui est assez bel escuier, grant et fort et bon homme d’armes, d’un escuier de ce païs qui s’appelloit Guillonnet de Salenges2; et l’avoit cilg mené jusques a la grosse alaine, quant il en advint ce que je vous dirayh.
« Ernauton de Sainte Coulombe avoit un varlet qui regardoit la bataille, ne point ne se combatoit, ne aussi on ne lui demandoit riens. Quant il vit son maistre ainsi mené que presque a oultrancei, il fu moult courrouciez, et vint a son maistre, et prinst la hache entre ses mains dont il se combatoit, et lui dist en la prenant :
« “Ernauton, alez vous seoir et reposer. Vous ne vous savez combatrej.”
« Et quant il ot la hache, il vint a l’escuier et lui donna tel coup sur le bacinetk que il l’estourdi tout et fist chanceler et presque cheoir a terre. Quant Gillonnet se senti ainsi ferus, si lui vint a grant desplaisance, et voult venir sur le vallet, et le cuida ferir del sa hache en la teste, mais le varlet se muça soubz lem coup, et ne fu pas attaint. Sin embraça l’escuier, qui estoit traveilliezo de longuement combatre, et le tourna et abati soubz lui a la luite, et dist :
« “Je vous occiray se vous ne vous rendez a mon [214rb] maistre.
« – Qui est ton maistre ? dist il.
« – Ernauton de Sainte Coulombe, a qui vous avez huy tant combatu.”
« L’escuier vit que il n’avoit pas l’avantaige, et qu’il estoit dessoubz cellui varlet, qui tenoit une dague pour lui ferir se il ne se rendoit ; si se rendi a venir dedens .xv. jours tenir son corps prisonnierp a Lourde, rescoux ou non rescoux. Ce service fist le varlet a son maistre.
« Et vous di, messire Jehan, que la eust fait par telz choses tropq grant foison d’apertises d’armes, et des compaignons jurez et fianciez, les uns venir a Tharbe, et les autres aler a Lourde. Et se combatirent ce jour main a main, sans eulx espargnier, Ernauton Bisette et li Montgaut de Sainte Basille, lesquelz y firentr maintes appertises d’armes ; et n’y avoit homme qui ne feust assez embesoigniez de lui combatre. Et tant se combatirent qu’ilz furent si oultrezs que ilz ne se peurent mais aidier. Et la furent mort sur la place deux des capitaines, le Montgaut de Lourde, et d’autre part Ernauton Bisette. Adonc se cessa la bataille par l’accord de l’un et de l’autre, car ilz estoient si foulez que ilz ne pouoient mais tenir leurs haches, et se desarmoientt li aucun pour eulx rafreschir, et laissoient la leurs armeures.
« Si emporterent ceulx de Lourde le Mongaut tout occis, et li François a Tharbe Ernauton Bisete. Et pour ce qu’il feust remembranceu de la bataille, on fist la une croix de pierre3 ou ces .ij. escuiers s’abatirent et moururent. Vela la, je la vous monstrev. »
A ces motz cheismesw nous droit sur la croix, et y deismes chascun pour les ames des morsx une patenostrey 4.
§ 10.
Comment le bourc d’Espaigne rescouy la proye aux compaignons du chastel de Lourde, et comment ilz furent rüez jusz.
« Par ma foy, monseigneur, di je5 au chevalier, je vous ay volentiers oÿ parler, et ce fu voirement une dure et aspre
- Le Combat des Trente : célèbre rencontre armée entre trente adhérents de Charles de Blois et trente de la comtesse de Montfort, tenue près de Josselin (Morbihan) en mars 1351 : Le Combat des Trente, éd. Ch. de Fréminville (Brest, 1819).
- Guillonnet de Salles ?
- Un monument commémoratif.
- C’est-à-dire un Pater noster ou « Notre Père ».
- Froissart enchaîne…