[226va] onques ne s’ouvri sur nous, et [quant] nous feusmes oultre environ le quart d’une lieue, ilz saillirent hors et vindrent sur ceulx qui estoient au rivaige, et se bouterent entr’eulx et les desconfirent de fait, et tous furent mors ou prins, et les chevaulx conquis et la navie arrestee ; et monterent sur noz chevaulx et ferirent a pointe d’esperon et furent aussitost a la ville comme nous. On crioit : « Nostre Dame ! Sancerre ! »1, car le conte estoit la avecques ses gens, et messire Loÿs et messire Robert avoient fait l’embusche. La feusmes nous encloz de grant maniere, et ne savions au quela entendre, et la ot grant pousseis de lances, car ceulx qui estoient a cheval, aussitost queb ilz furent a nous, ilz mistrent pié a terre et nous assaillirent fierement. Et ce qui trop nous greva, nous ne nous pouions eslargir, car nous estions entrez en un chemin le quel a deux costez estoit encloz de haultes haies et de vignes, et encores entr’eulx qui congnoissoient le païs et le chemin, une quantité de eulx et de leurs valés estoient montez amont es vignes, qui nous gettoient pierres et cailloux telement que ilz nous froissoient et rompoient tous. Nous ne pouyons reculer, et si avions grant paine au monter contre la ville qui siet sur une montaigne. La feusmes nous moult traveilliez, et la fu navrez ou corps tout oultre messire Jehan Aymery, nostre souverain capitaine et qui la nous avoit menez, de la main Guichart Albregon ; et le prinst, et mist grant paine a lui sauver, et le bouta en la ville en une maison et le fist getter sur .j. lit ; et dist Guichart a l’oste de l’ostel :
« “Gardez moy bien ce prisonnier, et faictes diligence qu’il soit estanchiez de sa plaie, car il est bien tailliez, s’il me demeure en vie, que il me paie .xxm. frans.”
« Aprés ces paroles, Guichart laissa son prisonnier et retourna [226vb] a la bataille et y fu tresbon homme d’armes avecques les autres. Et la estoient en la compaignie des enfans de Sancerre, et venuz pour l’amour des armes et aidier a defendre et garder le paÿs : messire Guichart Daulphin2, le sire de Talusc 3, le sire de Mournay4, messire Girart (et messire Girart)d 5et messire Guillaume de Bourbon, le sire de Goussant6, le sire de la Pierre, le sire de la Palithee 7, le sire de Nence8, messire Loÿs de la Croise9, le sire de la Sietef 10 et pluseurs autres. Et vous di que ce fu une bataille tres dure et un rencontre tres felon, et nous tenismes et defendismes tant que nous peusmes, et tant que de l’un costé et de l’autre en y ot pluseurs occis et navrez. Et a ce que ilz monstroient, ilz nous avoient plus chier a prendre vifs que mors ; nous fusmes la tous pris, Carsuelle, Lamitg, Naudon de Pierregort11, Espiote, le bourch de Lespare, Angerot de Lamongis12, Phelippe de Roe13, Pierre de Courton14, le Pesat de Paumiers15, le bourc d’Ermesen16, et tous noz capitaines de la environ. Si feusmes menez ou chastel de Sancerre et la conjoÿ a grant joyei, ne onques ou royaume de France les compaignons tenans routes ne perdirent si grossement comme ilz firent la. Toutefoiz, Guichart Albregon perdi son prisonnier, car cil a qui il l’avoit enchargiéj, par sa grant mauvaistiék le laissa tant seignier que il en mourut. Ainsi fina messire Jehan Aymeryl.
« Par celle prinse et celle desconfiture qui fu dessoubz Sancerre fut rendue aux François La Charité sur L[o]ire et toutes les garnisons de la environ, parmi ce que nous feusmes tous quittes de noz prisons, et eusmes saufconduit de partir et de passer hors du royaume de France et de aler quelque part que il
- Cri de guerre des Sancerre, lancé en la présence du comte.
- Guichard Dauphin, maître des arbalétriers du roi, 1378-1382, 1388-1394 et 1398-1403.
- Le sire de Talus ?
- Pierre de Mornay, sénéchal de Périgord 1379-1388/1389. † 1404.
- Girard de Bourbon, seigneur de Montperreux.
- Guy de Couzan (en Forez), chambellan de Charles VI.
- Jean de Griffer, seigneur de La Palisse.
- Nançay, en Sologne, cant. de Vierzon (Cher).
- Louis de la Croise.
- Sire de la Frete (cf. Diverres, Voyage … , p. 158) ?
- Naudon de Périgord, capitaine de compagnie.
- Angerot Lamongis, capitaine de compagnie.
- Philippe de Roie, capitaine de compagnie.
- Messire Petiton de Curton. Servit en Castille en 1366.
- L’Espésat de Pamiers, capitaine de compagnie.
- Le Bourc d’Ornesan.