[228va] sire de la Volte s’en vint a heure [de]a relevee esbatre en la court, et vint a la porte. Tantostb se getta Lymosin a genoulz devant lui et lui dist :
« “Monseigneur, me recongnoissiez vous pas ?
« – Par ma foy, dist le seigneur, que nennil !”
« car pas n’avisoit que ce feust Lymosin, mais un pou aprés qu’il l’ot advisé, lui dist :
« “Mais tu ressembles trop bien Lymosin qui fu mon varlet une fois.
« – Par ma foy, dist il, monseigneur, Lymosin sui je, et vostre varlet aussi.”
« Adonc lui ala il crier mercis de tout le temps passé, et lui compta de point en point toute sa besoigne, et comment Loÿs Rainbaut l’avoit demené. Enfin le sire de la Voulte li dist :
« “Lymosin, mais qu’il soit ainsi que tu dis, et que tu veulz estre bon et loyal François, je te feray ta paix partout.
« – Par ma foy, dist il, monseigneur, je ne fis onques tant de contraire au royaume de France que je y feray de prouffit.
« – Or je le verray, dist le seigneur de la Volte.”
« Depuis, cil seigneur de la Volte le tint en son chastelc et sans point laissier partir, tant que il ot a Lymosin acquis sa paix partout. Quant Lymosin pot par honneur chevauchier, le sire de la Volte le monta et arma, et le mena au Pui devers le seneschal de Villayd, et le accointae de lui. La fu il enquis et examinez de l’estat de Brude, et aussi de Loÿs Rainbaut ; et quant il chevauchoit, quel chemin il tenoit. Il congnut [tout et dist]f :
« “Loÿs, quant il chevauche, ne maine avecques lui pas plus de .xxx.g ou de .xl. lances. Les chemins que il fait, je les sçay tous par cuer, car en sa compaignie et sans lui je les ay estezh trop de fois, et se vous voulez mettre sus une chevauchie de gens d’armes, je offre ma teste a copper se vous ne le tenez dedens quinze jours.”
« Les seigneurs se tindrenti a son propos, on mist espies en oeuvre. Loÿs Rainbaut fu espiez et advisezj que [228vb] il estoit venus de Brude a Anse delez Lion sur le Rosne. Quant Lymosin le sçut de verité, il dist au seigneur de la Volte :
« “Sire, faites vostre mandement, il est heure. Loÿs Rainbaut est a Anse, et rapassera temprementk. Je vous menray au destroit par ou il fault qu’il passel.”
« Adonc le sire de la Volte fist son mandement et se fistm chief de ceste chevauchie, et manda le bailli de Villayn 1, le seigneur de Montclau2, messire Guerart de Sallicoeo 3 et son filz, messire Ploustrart du Vernet de Villeneuve de Bas4, et toutes les gens d’armes de la environ. Et furent bien trois cens lance[s], et tous s’assemblerent a Nonnay5, et par le conseil de Lymosin on fist deux embusches : le viconte de Polignac6 et le seigneur de Calençon7 en eurent l’une a gouverner, le sire de la Volte, le sire de Monclau, messire Louys de Tournon8, le sire de Saliere eurent l’autre, et avoient justement parti leurs gens. Et estoient le viconte de [Polignac]p et les siens sur un pas assez pres de Saint Rambiert en Foroisq 9 ou il couvenoit que la Loÿs Rainbaut et li sien passassent la riviere de Loire a pont, ou ilz la passassent plus amont a gué dessus le Puir.
« Quant Loÿs Rainbaut ot fait ce pourquoy il estoit venus a Anse, il se parti atout .xl. lances et ne cuidoit avoir nul rencontre, et ne se doubtoit en riens de Lymosin. C’estoit la mendre pensee que il eust. Et vous di que par usage, le chemin que il faisoit au passer, il ne le faisoit point au retour. Au passer il avoit fait le chemin de Saint Rambert ; au retour il fist l’autre, et prinst les montaignes dessus Lion et dessus Viane10 et au dessoubz du bourc d’Argental11, et s’en iroits tout droit devers le Monestier12 a trois petites lieues du Pui, et avoit
- Bernard de Laire, bailli du Velay, 1353-99. Le sénéchal était le même.
- Montclard (Haute-Loire).
- Peut-être Gérard de La Sallière, fait prisonnier à la bataille de Brignais (1362).
- Le sire de Villeneuve-de-Berg, chef-lieu de canton (Ardèche).
- Annonay, chef-lieu de canton (Ardèche).
- Armand VI de Polignac.
- Chalançon, cant. La-Motte-Chalançon (Ardèche).
- Louis de Tournon ; Tournon, chef-lieu d’arrondissement (Ardèche).
- Saint-Rambert-sur-Loire (Loire).
- Vienne, sur le Rhône, chef-lieu d’arrondissement (Isère).
- Bourg-Argental, chef-lieu de canton (Loire).
- Le Monastier-sur-Gazeille, chef-lieu de canton (Haute-Loire).