231v

[231va] ordonnoit, atout grant gent d’armes et archiers, de venir a Lusebonne et lever le siege. Ces nouvelles furent creues tres bien, car bien savoient li Espaignolz que le duc de Lencastre y mettroit toute peine et toute la dili­gence que il pourroit a guerroier le royaume de Castille, car il y clamoit part¹. Nonobstant ces nouvelles, si tenoit le roy tousjours son siege, et avoit envoyé ses lettres et ses messages pour avoir secours de France, et par especial envoya ou paÿs de Berne, et tant que de la terre au conte de Fois, du paÿs de Berne, issirent en une route en moins de quatre jours plus de trois cens lances a eslite, des^a meilleurs gens d’armes qui feussent en Berne. Et ja estoient passez a Ortais du royau­me de France pour aler en Castille servir le roy messire Jehan de Rie², Bourguignon, messire Gieufroy Richon³, Breton, et Gieufroy de Parte­nay⁴, et avoit chascun sa route^b. Or s’appa­reillierent ceulx de Berne telz que je vous nomme­ray : premier un grant baron et compaignon au conte de Fois, le seigneur de Lengnach⁵, mes­sire Pierre de Keo^{c 6}, messire Jehan de Lespres⁷, le seigneur de Berneke^{d 8}, le sei­gneur des Bordes⁹, messire Bertran de Baruge, le seigneur de Moriage¹⁰, messire Raymon Deu­zac^{e 11}, messire Jehan Asaleghie¹², messire Monnaut de Sarvien^{f 13}, messire Pierre de Sara­biere¹⁴, messire Estienne de Valentun^{g 15}, messire Raymon de Rivasse^{h 16}, messire Pierre de Havesane¹⁷, messire Angerot de Domessen^{i 18} et pluseurs autres. Et messire Espaignolet d’Espaigne, ainsné filz a messire Rogier d’Es­paigne, cousin de lignage et d’armes au conte de Fois, se mist en la route des Bernés^j.

Ces barons et chevaliers de Berne firent leur assemblee de gens d’armes a Ortais et la environ, et me fu dit de^k ceulx qui les virent partir de la ville d’Ortais que c’estoient les plus belles gens et les mieux armez et ordonnez [231vb] que on eust grant temps veüz issir du paÿs de Berne. Quant le conte de Fois vit que ce fu acertes que ilz parti­roient et s’en iroient en Espaigne, combien que au commencement il s’estoit assez assentis et accor­dé que ilz receussent les souldees du roy de Cas­tille, si fu il tout pensif et courrouciez de leur depar­tement, car il lui sembloit – et voir estoit – que son paÿs en affoiblissoit. Si envoya devers les barons, chevaliers et capitaines cy dessus nommez, et leur fist dire par les chevaliers de son hostel, messire Espaeng de Lion et messire Pierre de Cabestain, que ilz venissent tous ensemble ou chastel a Or­tais, car il vouloit d’un disner paier leur bien alee. Cilz chevaliers obeïrent, ce fu raison, et vindrent a Ortais veoir le conte qui les recueilli doulcement et grandement. Et aprés sa messe il les fist tous entrer en sa chambre de retrait, et puis commença par grant conseil a parler^l a eulx et dist :

« Beaux seigneurs, est ce donc vostre entente que vous partirez de mon paÿs, et me lairez la guerre en la main du conte d’Armignach, et vous yrez faire la guerre au roy d’Espaigne^m ? Ceste departie me touche trop pres.

– Monseigneur, respondirent ceulx qui la estoient, Ouil, faire le nous fault, car sur cel estat sommes nous ordonnez, et avons receu les gaiges du roy de Castille. Et c’est une guerre, d’Espaigne et de Portingal, qui tost sera achevee. Si retourne­rons, se il plaist a Dieu, en bonne santé.

– Tost achevee ? dist le conte de Fois, et non pas sitost ! Or a primes prent elle son commence­ment, car il y a un nouvel roy en Portingal¹⁹, si ont mandé secours en Angleterre, et tauxent ceste chevauchie et ceste armeeⁿ ou vous alez a durer un long temps, et vous tenir sur les champs,

1. Au nom de sa femme, Constance, fille du feu roi, Pierre.
2. Jean, sire de Rye, chambellan du roi de France, † en 1396 à Nicopolis.
3. Geoffroi Richon, capitaine de compagnie bretonne, qui s’était beaucoup battu en Castille, où il fut créé seigneur d’Aguilar de Campóo par le roi Henri. † à Aljubarrota, 1385.
4. Geoffroi de Parthenay, Breton ; † à Aljubarrota.
5. Le sire de Lignac, Béarnais ; † à Aljubarrota.
6. Pierre de Ker, Béarnais ; † à Aljubarrota.
7. Jean de Laspres, Béarnais ; † à Aljubarrota.
8. Le sire de Bernech (Ariège) ; † à Aljubarrota.
9. Guillaume des Bordes, chambellan de Charles VI.; † à Aljubarrota.
10. Le sire de Morlanne (Béarnais ; † à Aljubarrota) ?
11. Raimon d’Onzac ?
12. Jean Azleguy, écuyer béarnais ; † à Aljubarrota.
13. Menaud de Serremia ?
14. Pierre de Sarraberre.
15. Étienne de Balansun, Béarnais ; † à Aljubarrota.
16. Raimon de Coarraze.
17. Pierre de Marquefave, chevalier béarnais, présent à Aljubarrota.
18. Augerot de Domezain ?
19. Jean 1^er.