[235ra] perdre.
De tous ceulx qui pour ce temps arriverent a Lusebonne, je n’y oÿ nommer nul chevalier mais que trois escuiers angloiza qui estoient leurs capitaines. L’un appelloit on Nortberi1, l’autre Marteberi2 et le tiers Huguelin de Hartecelle3. Et n’y avoit nulz de ces trois qui n’eust d’aage plus de cinquante ans, lesquelz estoient bons hommes d’armes et tous stillez et usagiez de fait de guerre. De la venue de ces Anglois furent les Lusebonnois grandement resjouys, et aussi fu le roy de Portingal qui les voult veoir, et vindrent ou palais devant le roy. Le roy en ot grant joye et leur demanda se le duc de Lencastre les envoioit la.
« Par ma foy, sire, respondi Nortberi, nous ne veismes le duc de Lencastre grant temps a, ne il ne scet riens de nous, ne nous de li. Nous sommes gens de pluseurs sortes qui demandons les armes et les aventures. Il en y a de telz qui vous sont venu servir de la ville de Calais.
– Par ma foy, dist le roy, ilz soient – et vous tous – li bienvenus. Vostre venue me fait grant bien et grant joie, et sachiez que je vous embesoignerayb temprement. Nous avons ycy esté un moult long temps enclos, et tant que nous en sommes tous ennuyez, mais nous prendrons la largesce des champs aussi bien que noz ennemis ont fait ».
Si respondirent ces capitaines angloiz :
« Nous ne desirons autre chose, et nous vous prions que nous puissions bien briefment veoir voz ennemis ».
Le roy de Portingal en fist disner de ces nouveaulx venus en son palais a Lusebonne plus de deux cens, et commanda que eulx tous feussent logiez en la cité, bien a leur aise. Ilz le furent, et tantost paiez de leurs gaiges pour trois moys, et mist le roy clercs en oeuvre, et fist lettres [235rb] escripre et seeller, et envoia par tout son royaume en mandant et commandant sur quanque on se pouoit meffaire, que toutes gens portans armes se traisissent vers Lusebonnec.
Tousd ceulx a qui les lettres du roy Jehan de Portingal vindrent n’obeïrent pas, mais demourerent trop de gens en leurs hostelz, car les trois pars du dit royaume se dissimuloient a l’encontre de ceulx de Lusebonne, pour tant que ilz avoient couronné ce roye qui estoit bastart, et en disoient lors grosses paroles en derriere, et pour le grant trouble et different que le roy de Castille et son conseil veoient ou païs de Portingal, s’avançoient ilz ainsi en entencion de le conquesterf. Et disoient que il n’y couvenoit que une journee de bataille, et se ceulx de Lusebonne pouoient estre rüez jus, le demourant du paÿs en seroit tout resjouy, et getteroient hors du païs ce maistre [d’Avis]g, ou ilz l’occiroient, et que ce estoit terre de conquest pour lui, car sa femme en estoit droite heritiere.
Assez volentiers et legierement s’en feust deportez de la guerre le roy Jehan de Castille, mais ses gens ne le vouloient pas, mais le enhardissoienth et disoient que il avoit juste cause et querelle a la guerre. Quant le roy de Portingal vit que son mandement et commandement, de trop de son peuple dont il pensoit a estre servis, desobeïssoient, si fu tout pensif et merancolieux. Si appella ses plus feables de Lusebonne et les chevaliers de son hostel qui avoient rendu paine a son couronnement et qui avoient servy le roy Ferrant son frere, messire Jehan Radigos et messire Jehan Teste d’Or, le seigneur de la Figiere4 et messire Gommei de Cabeston5, Ambroise Coudrich6 et Pierre Coudrich son frere, et messire Onges Navaret, un chevalier de Castille qui estoit tournez Portingalois, car le roy damp Jehan l’avoit enchacié hors
- Sir John Norbury, capitaine anglaise, provenant du Cheshire. † 1414.
- Merbury, provenant lui aussi d’une famille du Cheshire.
- Peut-être Hugh Hardreshull, écuyer anglais. Sir John Hardreshull avait servi comme lieutenant du roi d’Angleterre en Bretagne de 1343 à 1345.
- Marc de la Higuera, archidiacre de Lisbonne, conseiller au roi de Portugal, envoyé en Angleterre en ambassade ?
- Gomez Cabeça, chevalier portguais.
- Non identifié.