239v

[239va]^a

§ 20.

Comment le roy de Portingal et les siens s’or­donnerent sagement pour bataillier sus le mont de Juberot, et comment les François furent occis, et le roy d’Espaigne et tout son ost des­confis^b.

Ce^c samedy¹ estoit^d jour bel et cler, chaut et sery, et estoient ja vespres^e quant la premiere bataille vint devant Juberot^f. Et estoient bien les François .ij^m.^g, aussi friques et habilles gens comme on pourroit soulhaidier ne veoir^h. Sitost comme ilz virent leurs anemis, ilz se joingnirent ensemble comme gens de faitⁱ et les approu­cherent de si pres comme jusques^j au trait.

La ot de premiere venue dure rencontre, car ceulx qui se desiroient a avancier^k se bouterent avant^l en la place que les Anglois par leur sens^m avoient fortifiee. La venoient archiers avec les gens d’armes d’Angleterre, en escriant leur cri, et d’autre part les Portingalois tenoientⁿ en leurs poings lances affillés de fers de Bourdeaux² trenchans et persans^o tout oultre, qui abatoient et navroient^p [239vb] chevaliers et gens d’armes, et mettoient a mercy. La fut le sire de Langnach, de Berne, abatu et sa baniere conquise^q, et de ses gens moult de mors et de pris. D’autre part le sire de Rie, messire Geffroy de Riçon et Gieffroy de Partenay^r estoient entrez en ce fort en tel maniere^s que les chevaulx qui estoient navrés dessoubz eulx fondoient dessoubz eulx par la force du trait. La estoient ces gens d’armes en grant dangier, car ilz^t ne se pooient eslargir pour eulx deffendre. Et vous dy bien que quant les Portingalois virent ce meschief^u, ilz furent aussi fres comme gens pour­roient estre, et encouragiez^v.

La estoit le roy de Portingal montez sur un grant cheval, ses banieres devant lui en grant arroy, et disoit a ses gens :

« Avant, bonnes gens d’armes ! Combatés vous hardiement, deffendés vostre païs !^w »

Bien est verité^x que la bataille^y dont je faiz mention,

1. La bataille d’Aljubarrota eut lieu le lundi 14 août 1385. Voir l’ouvrage de J.G. Monteiro ci-dessus cité, ainsi que son essai plus récent, « The Battle of Aljubarrota (1385) : A Reassess­ment », Journal of Medieval Military History VII, “The Age of the Hundred Years War”, éd. Clifford J. Rogers, Kelly DeVries and John France, The Boydell Press (Woodbridge, 2009), 75-103. Cf. l’étude de M.-Th. de Medeiros, « “La besogne de Juberot” : Froissart et la bataille d’Aljubarrota », Nord. Revue de critique et de créations littéraires du Nord-Pas-de-Calais, 25 (1995), 23-28.
2. Arme très tranchante, les fers de Bordeaux étant alors fort réputés.