[243ra] barons et chevaliers que les heraulx trouverent mors sur la place feussent prisonniers aux Portingaloisa, mais non estoient, ainsi comme il apparoit. Lors fu il durement courrouciez, et tant qu’on ne le pouoit rappaisier ne renconforter, quant les heraulx retournerent et rapporterent la certaineté des occis, et dist et jura que jamais il n’auroit joie quant tant de noble chevalerie estoit morte par sa coulpeb. Au chief de .iij. jours que le roy se tenoit a Saint Irain, vint en la ville devers le roy son chevalier qui s’appelloit messire Martin Harencc et raporta le bacinetd du roy qui estoit prisié .xxm. franse pour les riches pierres qui estoient sus, et ja avoit on parlé en l’ostel du roy moult largement sur lui, et avoient dit les aucuns par envie que cauteleusement et frauduleusement il s’estoit partis du roy et que plus ne retourneroit. Quant le chevalier fu revenu, il ala devers le roy et se getta a genoulz et s’escusa par bonne maniere, tant que le roy et son conseil le tindrent bien pour excusé. Ainsi demoura la chose en tel estat, et retourna le roy de Castille, au .xv.ef jour que il fu venu a Saint Irain, a Bursg 1 en Espaigne, et donna a toutes manieres de gens d’armes congié. Adonc y ot moiens et traittiez entre le roy d’Espaigne et le roy de Portingal, et furent prinses trieuves entr’eulx de la Saint Michiel jusques au premier jour de mayh 2, a durer entre ces deux roys et les aliez de leurs royaumes, tant par mer comme par terre. Si furent les corps des barons et des chevaliers [243rb] qui a Juberot avoient esté occis ensepulturezi en l’eglise de Juberot et es eglises de la environ, et les os de pluseurs raportez par leurs gens en leur païs.
§ 22.
Comment un malin esperit nommé Horton3 servy par un temps le sire de Corasse et lui rapportoit nouvelles depar tout le monde, d’uy a l’endemainj.
Grant merveille est a penser et considerer d’une chose que je vous diray, et qui me fu ditte en l’ostel du contek de Fois4 a Ortais, et meismes de cellui qui m’enfourma de la besoigne de Juberot, et de tout ce que advenu estoit sur le voiage. Et je vous diray de quoy ce fu, car depuis que le escuier le m’ot comptél, certes je y ay pensé tant de foys et y penseray tant comme je vivray. Voirs est, si comme le me compta li escuiers, que le lendemain que la besoigne fut advenue a Juberot, si comme ci dessus je vous ay compté, le conte de Fois le sçut, dont on ot grant merveille comment ce pouoit estre. Et le dymenche tout le jour et le lundi et le mardi5 ensuivant, il fist a Ortais en son chastel si mate et si simple chiere que on ne pouoit traire parole de lui, et ne voult onques ces .iij. jours issir de sa chambre ne parler a chevalier ne a escuier, tant prochain li feust, s’il ne le mandoit. Et encores advint il que il manda bien telz a qui il ne parla onques mot tous les trois jours, et quant ce vint le mardi au soir il appella son frere messire Ernault Guillaume et lui dist tout bas :
« Noz gens ont eu a faire, dont je sui courrouciez, car il leur est prins du voiage aucques ainsi que je leur di au departir. »
Messire Ernault Guillaume, qui est un tres sage et advisé chevalier, et qui bien congnoissoit
- Burgos, dans le nord de la Castille.
- Du 29 septembre 1385 au 1er mai 1386.
- Esprit familier du sire de Coarraze. L’histoire est reprise par Alexandre Dumas dans Monseigneur Gaston Phoebus, « chronique dans laquelle est racontée l’histoire du démon familier du sire de Corasse [sic] ». Voir aussi, toujours, L. Harf-Lancner, « Les Chroniques de Froissart : du bon usage du merveilleux », L’Histoire 142 (1991), 16-22.
- Gaston Fébus.
- Froissart veut dire les mardi, mercredi et jeudi.