[248va] de la frontiere de Lourde, le quel on appelloit messire Monnaut de Salenges1. Cilz les emprinst a conduire et mener sauvement, et croy bien qu’il s’en acquitta. Ainsi eurent le chastel de La Boufee. Si fut bailliez a un escuier du paÿs pour le garder, et toute la terre aussi, le quel s’appelloit Bertran de Montesquien2; puis passerent oultre li seigneur et leurs gens et s’en vindrent devers le chastel de Pulpuron que grans pillars tenoient, desquelz Angerot Petit Mescin3 estoi(en)ta souverains et capitaines, et avoient fait moult de damaiges ou paÿs, pourquoy messire Gautier de Pasach avoit juré l’ame de son pere que nulz n’en seroient prins a merci ne a raençon, mais seroient tous pendus ; ne ja n’auroient autre fin s’ilz les pouoit tenirb. Tant exploitierent cilz seigneurs et leurs gens que ilz vindrent devant Pulpuron et y mistrent le siege. C’est un chastel qui siet sur une mote de roche tout a l’environ, et est moult jolis et de belle veue4. Et la, eulx au siegec, jura messire Gautier que jamais ne s’en departiroit, si l’aroit, et ceulx de dedens se ilz ne s’envoloientd ainsi comme oyseaulx. La ot pluseurs assaulx faiz, mais petit y gaignierent les François, car le chastel est de bonne garde.
« Je ne sçay, dist messire Gautier, comment les choses se porteront. Le roy de France est riches assez pour tenir droit ci un siege, mais se je y devoie demourer un an, si ne m’en partiray je, si l’aray. »
On s’en tenoit bien a ce qu’il en avoit dit et juré, et s’ordonnoient tous ceulx qui estoient au siege selonc ce.
Or vous diray qu’il en advint. Quant le capitaine vit que ce estoit acertes et que les seigneurs de France qui la estoient ne se departiroient [248vb] point sans avoir le fort, quoy que il coustast, si se doubterent forment, et adviserent que, voulsissent ou no[n]e les François, ilz se pouoient bien sauvement partir quant ilz vouloient, car ou chastel avoit une miniere ou alee dessoubz terref qui duroit plus de demie lieue, dont on ne se donnoit garde. Quant Angerot, le capitaine du chastel, vit l’ordonnance du siege des François et que point ne se departiroient sans ce qu’ilz eussent eulz et le chastel par affamer ou autrement, si se doubta et dist a ses compaignons :
« Seigneurs, je voy bien messire Gautier de Pasach qui nous ag grandement en hayne, et me doubte que par long siege il ne nous afame ci dedens, et pour ce il ne lui fault que ordonner une bastide, et laissier seulement cent lances dedens, car nul de nous ne s’en oseroit jamaiz partir. Mais je vous diray que nous ferons. Nous prendrons tout le nostre, et de nuit nous nous (nous) mettronsh en cest conduit dedens terre qui est bel et grant, qui nous menra sans nulle faulte a un bois a une lieue de ci. Si serons hors de tous perilz avant que on sache que nous soions devenus, car il n’y a homme en l’ost qui en sache riens, ne qui le supposei. »
Tous s’accorderent a ce conseil, car ilz se mettoientj volentiers hors du peril. Et de nuit, quant ilz orent tout troussé ce que porter pouoient, ilz alumerent falozk et entrerent en celle soubzterrinel qui estoit belle et nette, et se mistrent au chemin, et s’en vindrent saillir hors en un bois a une demie lieuem du chastel. La avoient bien qui les sçut conduire jusques a autres forteresses
- Menaut de Sallenches.
- Bertrand de Montesquieu.
- Hellias ou Elias Machin, Gascon, capitaine de grande compagnie. Se battit à Brignais, ainsi qu’en Bourgogne, Bretagne et Espagne. Lacoste, Hist. de la prov. de Quercy, III, 279-84, affirme pourtant que J. de Servail tenait Pechpeyroux en 1384 (cité dans Cabié, 1901, p. 15, n3).
- Sur cet épisode et les suivants, et sur la conduite de la guerre de siège d’après Froissart, voir l’étude de Contamine (« Le château … », 90-91).