[249va] que tele chose avoit ceans, mais point n’y pensoie ne ne m’en donnoie de garde que ceulx qui s’en sont alez deussent partir par la cave.
– En nom Dieu, dist messire Gautier, si ont fait, ainsi comme il appert. Et sont donc li chastel de ce païs de tele ordonnance ?
– Sire, dist messire Hugues, de telz chasteaulx a pluseurs en ce païs, et par especial tous les chasteaulx qui jadiz furent a Regnault de Montauben1 sont de tele condicion, car quant ilz et ses freres guerroierent au roy Charlemaine de France2, ilz les firent ordonner de tele façon par le conseil de Maugis3 leur cousin ; car quant le roy les assegoit par puissance et ilz veoient que ilz ne pouoient eschapera, ilz se boutoient en ces minieresb et s’en aloient sans prendre congié.
– Par ma foy, dist messire Gautier, j’en recommandec bien l’ordonnance. Je ne sçay se je seray jamais guerroié de roy ne de duc, ne de voisin que j’aie, mais moy retourné en mon paÿs, je en feray faire une des minesd par dedens terre en mon chastel de Pasach. »
Adonc fina a tant leur parlement, et pristrent la saisine du chastel, et puis ordonnerent de mettre et laissier dedens gens d’armes et garnison pour le garder, et passerent oultre en entencion de venir devant la ville et chastel de Cruvalee, dont Espaignolet de Paperanf 4, Bascles, estoit capitaine, avec lui grant foison de pillars et de robeurs.
Tantg exploitierent li seigneur et leur route que ilz vindrent devant la garnison de Cruvale en Rabescenh, et la s’arresterent et mistrent siege tout a l’environ. La voult savoir messire Gautier au seneschal de Thoulouse, et lui demanda, se Cruvale avoit [249vb] esté anciennement des chasteaux Regnault de Montauben. Il respondi :
« Ouil.
– Et dont y a il dedens une minei soubz terre comme aux autres ?
– En nom Dieu, dist messire Hugues, c’est verité ; voirement y a il soubzterrine, et par celle la prinst la seconde foiz Espaignoletj, et le seigneur dedens.
– Faites venir, dist messire Guichart Daulphin qui la estoit a ces paroles, le chevalier qui la estoitk.
– C’est bon, ce dist messire Gautier de Pasach, si nous enfourmerons de la verité par lui. »
Adonc fu appellez messire Raymmon de Cruvale5, et lui fu demandé de la manierel et l’ordonnance du chastel, et s’il y avoit une voie dedens terre, si commem il y a a La Boufee. Il respondi :
« Vraiement, ouil, car par la voie ou conduitn fu je prins, et l’avoie condempné grant temps a, a estre perdue, mais li larron qui tiennent mon chastel la refirent et vuiderento, et me prindrentp par celle voie.
– Et savez vous ou elle abouche ne ou elle vuide ? dist messire Gautier.
– Ouil, monseigneur, dist il, elle vuide en un bois qui n’est pas trop loing de ci.
– C’est bien, » dist messire Gautier, et se tust a tant. Quant ce vint au chief de quatre jours il se fist la mener, et avoit en sa compaignie bien .cc. groz varlésq du païs bien armez, et s’en vint, et messire Raymon de Cruvale en sa compaignie, jusques au bois ou la miner se vuidoit. Quant messire Gautier vit l’entree, il la fist descouvrir et oster la terre et les herbes et les ronces qui estoient a l’environ. Quant elle fu bien nettoiee il fist alumer grant foison de faloz, et dist a ceulx qui ordonnez estoient pour entrer la
- Renaud de Montauban, personnage légendaire et héros épique de la chanson de geste du même nom racontant l’histoire des quatre fils d’Aymon de Dourdone et qui relève d’une très longue tradition (article « Renaut de Montauban » signé Jean-Paul Martin, DMA, p. 1202).
- Charlemagne, empereur de Rome (dans Renaud de Montauban, personnage vindicatif et entêté).
- Maugis, enchanteur, personnage de Renaud de Montauban.
- Ce capitaine de Curvale ou Cremale est peut-être à identifier avec l’Espagnolet, fils de Roger d’Espagne ; mais en 1382-4, selon Cabié, celui qui tenait Curvale se nommait le bort ou bourg de Galant ou Pierre le Galard (Cabié, 1901, p. 21).
- Raymond de Curvale.