[250va] Gautier de Pasach tout devant qui y faisoit merveilles d’armes a son pouoir, et disoit aux compaignons :
« Et comment, seigneurs, nous tendront meshuy ceste mardaille ? Se ce feussent bonnes gens d’armes je ne m’en esmerveillasse mie, car en eulx a plus de fait que il ne doie avoir en telz garçonsa comme il y a la dedensb. C’est mon entencion que je vueil disner ou fort. Or y perra se vous accomplirez mon desirierc ! »
A ces motz s’avançoient compaignons qui desiroient a avoir grace, et assailloient de grant volenté. On prinst eschielles a foison a l’endroit ou le grant engin estoit, ouquel les Genevois arbalestriers se tenoient, et furent dreciez contre le mur. Lors monterent toutes manieres de gens qui monter porent, et arbalestriers traioient si roit et si ouni que les defendant ne s’osoient demonstrer. La entrerent par bel assault les François en la ville de Cruvale, les espees en la main, en chaçant leurs ennemis, desquelz il en y ot mors et occis je ne sçay quans, et tout le demourant fu prins. On entra par les portes en la ville. La fu demandé a messire Gautier que on feroit de ceulx qui estoient prins. Il respondi :
« Par saint George, je vueil que ils soient tous pendus ! »
Tantost son commandement fu faitd, et Espaignolet tout devante.
Si disnerent les seigneurs ou chastel, et le demourant des gens d’armes en la ville. Et se tindrent la tout le jour, et rendi messire Gautier le chastel et la ville au seigneur de Cruvale, et puis ordonna d’aler autre partf.
Aprésg la prinse de Cruvale, si comme vous avez ouy, se departirent les seigneurs et leur route, et se mistrent au chemin devers un fort que on disoit Le Mesnil, le quel avoit porté moult grant [250vb] damaige et destourbierh au païs avecques les autres. Sitost comme ilz furent la venuz, on l’assailli. Ceulx de dedens se defendirent, mais grant piecei ne fu ce pas, car par assault ilz furent prins et le fort aussi, et ceulx tous mors et pendus qui dedens estoient. Quant ceulx (du Mesnil) [de Roiz]1 et ceulx de Rochefortj, deux autres fors d’ennemis, entendirent comment messire Gautier de Pasach ouvroit ou paÿs et prenoit les fors, si n’estoit nul prins a merci que il ne feust mort ou pendu, si se doubterent grandement de venir a tel fin, et se partirent de nuit, ne sçay par conduitk dessoubz terre ou autrement, car encores ces deux chasteaux, Roiz et Rochefort, sont minezl et furent des chasteaux anciennementm Regnault de Montauben, et les trouverent les François tous vuis quant ilz y vindrent ; si en reprindrent la saisine et les peuplerentn de nouvelles gens et de pourveances, et puis tournerent leur chemin devers Thoulouse pour venir en Bigorre, car il y avoit sur la frontiere de Tharbe deux chasteaulx lesquelz estoient nommez, li un le Doz Julien, et li autre Navaret, que pillars tenoient qui grandement traveilloient le païs et la bonne ville de Tharbe et la terre au seigneur d’Auchino.
Quantp messire Gautier de Pasach et ceulx seigneurs de France et de la Languedoch se furent reposez et rafreschiz trois joursq en la bonne cité de Thoulouse, ilz s’en partirent et prindrent le chemin de Bigorre, et exploitierent tant qu’ilz vindrent devant le fort que on dit le Dos Julien, et la s’arresterent et distrent que ilz n’yroient plus avant, si en auroient delivré