[256va]
En ce temps vint messire Ostes de Bresvil1 en Avignon veoir le pape Clement2 et pour avoir finance et argent, car il avoit fait guerre pour lui et pour l’eglise aux Rommains et a Berthelemieu des Aigles3 qui s’escripsoit et nommoit pape Urbain .vj.me, si comme vous savez et comme il est contenu ci dessus en nostre histoire, et demonstra le dit messire Ostes de Bresvil pluseurs choses au papea et aux cardinaulx, des quelles il fu bien creüz et oÿs, mais de finance il ne peust avoir, car la chambre4 estoit si vuide d’or et d’argent que les cardinaulx ne pouoient avoir leurs gaiges que on leur devoit de leurs chapeaulx5. Si couvint messire Ostes de Bresvil partir malcontent d’eulx. On li delivra d’Avignon, pour s’en raler, la somme de mil frans, dont il ne fist compte ; par ce point fu la guerre du pape Clement plus laide, car onques puis messire Ostes ne s’en voult embesoignierb. Aussi Marguerite de Duras6 qui se tenoit a Gaiette et qui estoit adversaire a la royne de Napples7, la femme qui fu au roy Loÿs, duc d’Anjou, le manda pour lui aidier a faire sa guerre contre les Neapolitains ; si s’en excusa et dissimula un temps le dit messire Ostes, qui ne savoit le quel faire. Aucun de son conseil li boutoient en l’oreille que il se tenist avecques Marguerite de Duras qui estoit heritiere de Naples et de Cezille8, et lui aidast a garder et defendre son heritaige, et la preist a femme, car elle le vouloit bien avoir a mari pour tant qu’il estc de noble sanc et de haulte astraccion, et se feist roy et sires du païs dont elle se clamoit dame. Et li autre li conseilloient que non, et que il en pourroit bien venir a un mauvais chiefd, car les enfans du roy Loÿs qui avoit esté couronnez en la cité [256vb] de Bar[i]9 e estoient jeunes et avoient grant foison de bons amis et de prochains, et par especial le roy de France10 leur cousin germain qui les vouloit aidier, et leur dame de mere la royne Jehanne11, duchesse d’Anjou et du Maine, laquele estoit de grant pourchaz. Toutes ces doubtes lui remettoient aucun de son conseil audevant, pourquoy messire Ostes se abstraigny et dissimula par un temps, et ne obtenoit ne l’une partie ne l’autre. En ce temps avoient encloz en la cité de Peruse12 cellui qui s’escrisoit pape Urbain les soudoiers du pape Clement qui se tenoi(en)t en Avignon, le sire de Montcroief 13, un moult vaillant chevalier de la conté de Genievre et de Savoie, et messire Talebart14, un chevaliers de Roddes, et messire Bernart de la Salle15. Et fu la moult abstraint le dit pape, et pres sur le point d’estre prins, et ne tint que a .xx. mil frans, si comme je fu adonc enfourmez, que un capitaine alemant tenant grans routes, qui s’appelloit le conte Conrart16, le eust delivré es mains des gens le pape Clement se il les eust euz ; dont messire Bernart de la Salle en fu envoiez en Avignon, et demonstra tout ce au pape et aux cardinaulx, mais on n’y pot entendre tant qu’a delivrer la finance, car la court estoit si povre que point d’argent n’y avoit. Et retourna messire Bernart maucontent au siege de Peruse. Si se dissimulerent et refraingnirent les choses, et li Perusien aussi, et cil conte Conrart, et [issi]g Urbain de ce peril, et s’en vint a Romme et la se tint.
Bienh sçay que ou temps avenir on s’esmerveillera de telz choses,
- Othon de Brunswick, capitaine allemand, qui en 1376 devint le quatrième époux de Jeanne, reine de Naples. Mort en 1393.
- Robert de Genève, élu pape en septembre 1378, après l’élection contestée d’Urbain VI en avril. Clément résida à Avignon. Faisons remarquer que Froissart parle de lui comme du pape « légitime » ayant l’appui du roi de France et d’autres. Considéré comme le premier anti-pape de la période du grand schisme de l’Occident, il mourut en 1394.
- Bartolomeo Prignano, dit « des Aigles », archevêque de Bari, élu pape en avril 1378 à Rome sous le nom d’Urbain VI. Mort en octobre 1389.
- Entendons: « la trésorerie ».
- Il s’agit du célèbre chapeau de cardinal, signe de leur rang.
- Marguerite de Duras épousa en 1368 Charles de Durazzo, qui deviendrait roi de Naples. Morte en 1412.
- Froissart veut dire Marie de Blois, fille de Charles, duc de Bretagne, femme de Louis 1er d’Anjou, puis veuve de celui-ci (il est mort en 1384), frère de Charles V, roi de France, qui prétendait au trône de Naples. Morte en 1404.
- Sicile.
- Bari, sur la côte adriatique de la péninsule italienne.
- Charles VI, devenu roi en 1380.
- Marie de Blois.
- Pérouse (Italie).
- Louis de Montjoie, du comté de Genève.
- Aymard de Brontin, Dauphinois, chevalier de Rhodes.
- Bernard de la Salle, Gascon, capitaine de compagnie.
- Conrad, Allemand, capitaine de compagnie.