[257va] cause de ce que Clement fu a la premiere eleccion a Romme de l’arcevesque de Bar, et cardinal de Genevrea. Il escripst au conte de Flandres que ilz avoient pape esleu par bonne et deue esleccion, le quel on nommoit Urbain, si que tant comme il vesqui il tinst ceste oppinion ; et autant le roy d’Alemaigne et tout l’Empire et aussi Hongrie. Dont en escripsant de ces estas et differens que de mon temps je veoie ou monde et en l’Eglise qui ainsi branloit et des seigneurs terriens qui se soufroient et dissimuloient, il me ala souvenir et revint en ramembrance comment de mon jeune temps, le pape Innocent1 regnant en Avignon, l’enb tenoit en prison un frere mineur durement grant clerc le quel s’appelloit frere Jehan de Rochetallade2. Cil clerc, si comme on disoit lors et que j’en oÿ parler en pluseurs lieux, en privéc non en publique, avoit mis hors et mettoit pluseurs auctoritez et grans notables. Et par especial des incidences fortuneuses qui advinrent de son temps et sont encores avenues depuis ou royaume de France, et de la prinse du roy Jehan3. Il parla moult bien et monstra aucunes voies raisonnables que l’Eglise auroit encore moult a souffrir pour les grans superfluitez que il veoit et qui estoient entre ceulx qui le baston du gouvernement avoient. Et pour le temps de lors que je vi tenir en prison cellui, on me dist une foiz ou palais du pape en Avignon un exemple que il avoit fait au cardinal d’Ostie que on disoit d’Arras4 et au cardinal d’Aucerre5 qui l’estoientd alé veoir et arguer de ses paroles, dont entre les defenses que il mettoit en ses paroles il leur fist un exemple par tele maniere comment vous orrez ci ensuivante. [257vb]
Cef dist frere Jehan de Rochetalade :
« Il fu une foiz un oyseau qui nasqui et apparut au monde sans plumes. Les autres oyseaux quant ilz le sceurent nez l’alerent veoir pour tant qu’il estoit si bel et si plaisant en regartg. Si ymaginerent sur lui et se conseillierent quel chose ilz en feroient, car sans plumes il ne pouoit voler, et sans voler il ne pouoit vivre. Dont dirent ilz que ilz vouloient que il vesquisist, car il estoit trop durement bel. Adonc n’y ot la oisel qui ne li donnast de ses plumes, et plus estoient gentilz et plus lui en donnoient. Et tant que cil bel oisel fu tout enpennez et commença a voler, et encores en volanth prenoient tous les oiseaux qui de leurs plumes lui donné [avoient], grant plaisance. Cil bel oiseau, quant il se vit si audessus de plumage, et que tous oiseaux l’onnouroient, il se commença a enorgueillir et ne fist compte de ceulx qui fait l’avoient, mais les bequoit et poignoit et contrarioit. Les oyseaulx se mistrent ensemble et parlerent de cel oisel que ilz avoient empenné et creü, et demanderent l’un a l’autre quel chose en estoit bon a faire. Car ilz lui avoient tant donné du leur que ilz l’avoient si engrandi et enorguilli qu’il ne faisoit compte d’eulx. Adonc respondi le paon :
« “Il est trop grandement embelliz de mon plumage. Je reprendray mes plumes.
« – En nom Dieu, dist li faucon, aussi feray je les miennes.”
« Et tous les autres oyseaux aussi ensuivans, chascun dist que ilz reprendroient ce que donné li avoient, et lui commencierent a retollir et a oster son plumaige. Quant il vit ce, si s’umilia grandement, et recongnut or primes que le bien et l’onneur que
- Innocent VI, pape (1352-62).
- Jean de Roquetaillade, frère mineur, visionnaire très connu et critique de la société de son temps.
- Jean II, roi de France (1350-64) fut en effet fait prisonnier par les Anglais à la bataille de Poitiers, septembre 1356.
- Pierre du Colombier avait été évêque d’Arras. Mort en 1361.
- Pierre de Cros, ancien évêque d’Auxerre. Mort en 1361.