258v

[258va] l’en veü avenira, ce di[en]t les aucuns qui ont mieulx prins garde a ses paroles que je n’aie, moult des choses que il mist avant et qu’il escripst en prison, et tout vouloit prouver par l’Apocalipse1. Les preuves veritables dont il s’armoit le sauverent de non estre ars pluseurs foiz. Et aussi il y avoit aucuns cardinaulx qui en avoient pitié et ne le grevoient pas du plus que ilz pouoient. Nous nous soufferrons a parler de toutes telles enarracions et retournerons a nostre princi­pal matiere et histoire de Espaigne et de Portingal, aussi de France et d’Engleterre, et recorderons des aventures et avenues qui y vindrent en celle saison, lesquelles ne font pas a oublierb.

 

§ 29.

Comment ceulx de Lusebonne qui tenoient la partie du roy de Portingal envahirent moult grandement ceus de Castille pour les oultra­gieuses paroles que ceulx de Castille leur disoientc.

Vousd avez bien ci dessus oÿ recorder comment le roy Jehan2, filz au roy dam Pietre de Portingal3 qui fu moult vaillant homme et frere bastart au roy damp Ferrant4 estoit entreze en la possession et heritaigef du royaume de Portingal par le fait et enhardissement seulement de quatre citez et villes de Portingal, car on n’en doit pas demander ne encoulper les nobles et les cheva­liers du royaume de Portingal, car de commence­ment ilz se acquittierent loyaument envers le roy damp Jehan de Castilleg 5 et sa femme, madame Bietrix6, si comme je vous determineray et es­clarciray briefmenth. Et quoyque pluseurs tenissent l’oppinion de celle dame, si la nommoient li autre bastarde et plus que bastarde, car elle fu fille d’une dame de Portingal [258vb] la quele avoit encores son mari vivant, un chevalier du païs de Portingal que on appelloit messire Jehan Lorens de Coingnei 7, et li avoit le roy de Portingal tollu sa femme8. Bien est verité que madame Alienor de Coingne il avoit a espouse, et le chevalier bouté hors du païs de Portingal, le quel s’en estoit alez demourer avecques le roy de Castille9, ne il ne s’osoit tenirj en Portingal, combien que de hault parage il y feust, pour la doubtance du roy qui tenoit sa femme. Ce sont bien choses a esmer­veillier, car le roy Ferrant de Portingal10 tenoit sa fille a legitimeek, et l’avoit faite dispenser du pape Urbain11 de Romme .vj.me. Et quant la paix fu faicte des deux roys de Castille et de Portingal12, et que un chevalier de Portingal qui s’appelloit messire Jehan Ferrant Andere13, le quel estoit tout le cuer et le conseill du roy de Portingal, traitta la paix, il fist le mariage de la fille du roy Ferrant au roy Jehan de Castille qui lors estoit vesve de la fille le roy dam Pietre d’Arragon14, combien que le roy de Castille et son conseil avoient au mariage faire bien mis avant toutes ces doubtes de la fille non estre heritiere de Portingal, mais le roy de Portin­gal, pour asseurer le roy de Castille, l’avoit fait jurer aux pluseurs haulx nobles de Portingal que aprés son decés ilz la tenroient a dame, et retour­neroit le royaume de Portingal au roy de Castille, et avoit fait le roy de Portingal obligier les bonnes villes envers le roy de Castille a tenir a roy en la somme et paine de deux cens mil frans de France, et combien que le dessusdit chevalier Jehan Ferrant Andere se feust embe–

  1. Le livre de l’Apocalypse, dans le Nouveau Testament, livre symbolique, prophétique et mystique, plein d’allégories mys­térieuses et parfois obscures.
  2. João 1er d’Avis, roi de Portugal (1383-1433).
  3. D. Pedro 1er (Pierre 1er), roi de Portugal (1357-67).
  4. D. Fernando (Ferdinand 1er), roi de Portugal (1367-83).
  5. Juan 1er, roi de Castille (1379-90).
  6. Béatrice de Portugal.
  7. João Laurenço de Cunha.
  8. Leonor Téllez, ravie à son mari par le roi Fernando qui l’épousa en 1371, du vivant de son premier mari. Elle fut la mère de Béatrice.
  9. Enrique II (Henri de Trastamare), roi de Castille (1369-79).
  10. Ferdinand 1er, roi de Portugal (1367-83)
  11. Issue d’un mariage jugé illégitime, Béatrice avait reçu une dispense du pape « romain », Urbain VI.
  12. Il s’agit du traité de Salvaterra de Magos, le 2 avril 1383.
  13. João Fernandes Andeiro, comte d’Ourém, qui exerça une grande influence sur la cour portugaise à cette époque.
  14. Juan 1er de Castille avait épousé en premières noces Elionor, fille de Pere IV, roi d’Aragon, en 1375.