[259ra] –soigniez en espesse de bien pour mettre paix et concorde entre Castille et Portingal, et pour le desirier et plaisance de son seigneur accomplir, si en fu il mors et occis de ceulx de Lusebonne de la communaulté qui esleurent [le] maistre [d’Avis]1 a roy et le vouldrent avoir de force, car ilz disoient que pour retourner Portingal ce que dessus dessoubz, ilz ne seroient ja en la subgeccion du roy de Castille ne des Casteloings2, tant les heent ilz, ne oncques ne les porent amer, ne les Casteloings eulx. Et disoient li Lusebonnois3 qui furent principaument esmouvement de ceste guerre, que la couronne de Portingal ne pouoit venir a femme, et que la royne de Castille n’en estoit pas heritiere, car elle estoit bastarde et plus que bastarde, car le roy Ferrant vivant et mort, encores vivoit Jehan Ferrant de Cogne, mari a sa dame de mere, et pour ce esleurent ilz a roy [le] maistre [d’Avis] et le couronnerent. Et demourerent avecquesa lui, de commencement, .iiij. citez et bonnes villes, c’est a entendre Lusebonne, Vieb 4, Connimbres5 et le Port de Portingal6, et aussi pluseurs haulz barons et chevaliers de Portingal qui vouloient avoir un roy et un seigneur avecques eulx, et qui veoient la grant volenté que les communaultez du paÿs avoient a ce maistre [d’Avis]. Et une des incidences qui plus esmut les communautez premierement de Portingal a non estre en la grace et subgeccion du roy de Castille, je le vous diray. Les Espaignolz que je nomme Casteloings, quant le mariage fu fait de Castille et de Portingal, et que le [259rb] roy Ferrant eust encouvenanciéc le royaume de Portingal a venir aprés son decés au roy Jehan de Castille, et que les Espaignolz trouvoient les Portingalois, ilz se mocquoientd d’eulx, et disoient :
« O, gens de Portingal, vueilliez ou non, vous retournerez en nostre dangier. Nous vous tendrons en subjeccion et en servage, et vous enseignerons si comme esclave et Juifs, et ferons de vous nostre volenté. »
Li Portingalois disoient et respondoiente que ja n’avendroit, ne que ja ne seroient en subgeccion de nul homme du monde fors que de eulx7. Et pour celle cause et les paroles reprochables des Espaignolz prindrent ilz [le] maistre [d’Avis], frere bastart du roy Ferrant et filz du roy Pietre de Portingalf. Tant que le roy Ferrant vesqui il ne fist compte de ce bastart, et n’eust jamaiz cuidié ne supposé que les communaultez de son royaume8, lui mort, l’eussent esleu et prins a roy, et laissiég sa fille, mais si firent. Et bien l’avoit dit au roy Ferrant Jehan Ferrant Andere son chevalier que les communaultez avoient grandement sah grace sur lui, et que il seroit bon morti, mais le roy Ferrant avoit respondu que les communaultez n’avoient nulle puissance sur les nobles de son paÿs, et que le roy son filz9, damp Jehan de Castille, estoit trop puissant roy pour eulx constraindre et chastier se rebellion avoit en Portingal aprés sa mort, et que nulle consciencej il n’avoit de lui faire mourir ne emprisonner, car son frere estoit homs de religion et avoit bien sa chevance et grandement sans penser a la couronne de Portingal, et pour ce estoit il demourez en viek.
Al parler pour raison et considerer
- Il faudrait comprendre « mestre de Avis », c’est-à-dire João 1er, élu roi de Portugal en 1383.
- Les Castilliens.
- Les habitants de Lisbonne.
- Evora.
- Coïmbra.
- Porto.
- L’on ressent bien ici le caractère « proto-nationaliste » de ces paroles de Froissart.
- Remarquons l’essor du pouvoir politique des villes.
- Son beau-fils, le roi de Castille.