[261ra] lettres escriptes et dittees, bien et discretementa en bon françois et en latin aussi1, lesquelles se devoient adrecier au roy d’Angleterre2 et au duc de Lencastre, et a ses freres les contes de Cantebruge3 et de Bouquinghen4. Et quant ces lettres furent escriptes et grossoiees en latin et en françois, elles furent leues devant le roy et son conseil, lesquelles pleurent moult grandement, et lors furent elles seellees et puis livrees aux dessusdiz, le grant maistre de Saint Jaque et a Laurencien Fougasse, qui se chargierent entr’eulz deux de les porter en Angleterre au plaisir de Dieu, [mais] que ilz peussentb passer sauvement les dangiers et perilz de mer, les fortunes et les rencontres des ennemis et des robeëurs, car autant bien a de robeurs en mer et plus que en terre5. Si eurent une nef qu’on appelle lin qui va de tous vens et plus seurement que nulle autre. Si prindrent un jour congié du roy et a l’arcevesque de Bragues6 c et a l’evesque de Connimbresd 7, le grant conseil de Portingal, et puis vindrent au Port et entrerent ou vaissel et siglerent et escliperent en mer vers le royaume d’Angleterre, et furent trois jours en mer loing dee toute terre, et ne veoient que ciel et eaue, et au quart jour ilz virent Cornouaillef.
Tantg exploitierent les dessusdiz par l’exploit de Dieu et du bon vent queh leurs mariniers savoient prendre a point, et tant costoierent Cornouaille8 et les bondes d’Angleterre que ilz arriverent sauvement et sans peril ou hav[r]ei de Hantonne9 et la encrerent ; si issirent hors de leur vaissel et s’en alerent rafreschir en la ville. La furent bien enquis et examinez du [261rb] baillif10 j de Hantonne et des gardes de la mer et du hablek, de quel paÿs ilz estoient, ne de ou ilz venoient, et quel part ilz aloient. Ilz respondirent a toutes ces demandes et distrent que ilz estoient du royaume de Portingal et la envoiez depar le dit roy et son conseil. A ces paroles furent ilz li bienvenu. Quant les dessusnommez messagiers se furent reposez et rafreschiz a Hantonne un jour, et ilz eurent pourveu chevaulx pour eulx et pour leurs gens, et conduiseursl aussi qui les menroient vers Londres, car ilz ne congnoissoient le païs ne les chemins, ilz se departirent de Hantonne et exploitierent tant que ilz vindrent a Londres. Si descendirent a l’ostel aum Faucon sus Thomelin de Wincestre11 n et renvoierent par les gardes qui admenez les avoient leurs chevaulx arriere. Si bien leur cheï que le roy d’Angleterre et tous ses oncles estoient a Londres ou a Wesmoustier12, dont ilz furent moult resjoÿs et vindrent a Londres aussi que a heure de tierce. Si y disnerent, et aprés disner ilz s’ordonnerent et prindrent les lettres qui s’adreçoient au duc de Lencastre et a la duchesse13, et s’en alerent devers eulx. Quant le duc et la duchesse sceurent qui ilz estoient, si en furent grandement resjoïs, car ilz desiroient a oïr nouvelles de Portingal. On leur en avoit bien dittes aucunes, mais ilz n’y adjoustoient point de foy pour tant que le roy ne nulz du paÿs ne leur avoient point envoié par lettres. Si entrerent le grant maistre de Saint Jaque et Laurencien Fougasse en la chambre du duc de Lenclastre, ou la estoit la duchesse. Et pour ce que Laurencien savoit bien parler françois, il parla tout premierement, et quant il ot fait la reverence au duc et a la
- Le latin servait comme langue internationale de la diplomatie, afin d’éviter erreurs et mal-entendus.
- Richard II, roi d’Angleterre depuis juin 1377, est né en 1367. Il n’avait donc que dix ans à cette époque.
- Edmond de Langley, comte de Cambridge, cinquième fils du roi Édouard III, frère du duc de Lancastre, oncle de Richard II.
- Thomas de Woodstock, frère du duc de Lancaster, oncle de Richard II, comte de Buckingham (et plus tard duc de Gloucester).
- Le chroniqueur est sensible aux dangers encourus par ceux qui voyagent par mer.
- Braga, dont l’archevêque était D. Lourenço Vicente (1372-97).
- Coïmbra, dont l’évêque était João Cabeça-de-Vaca III (1379-86).
- Cornwall, à l’extrême sud-ouest de l’Angleterre.
- Southampton, Hampshire, port du sud de l’Angleterre (en face de l’île de Wight).
- Il s’agit de l’officier royal dans ce port.
- L’auberge au Faucon, tenu par Thomas de Winchester.
- Westminster, à l’ouest de Londres, où se trouvaient le palais et la cour royale.
- Constanza, duchesse de Lancaster, morte en 1394.