[272ra] estre mors que eulx encheoir ou partia ne en la subgeccion ou le roy de Castille les vouloit mettre et tenir. Si s’aventurerent Portingalois et vindrent tenir journee a l’encontre du roy de Castille a Juberot. La furent le roy de Castille et ses gensb si puissans que ilz estoient .x. contre .j., ne ne prisoient en riens les Portingalois, dont sur le champ de Juberot a La Cabesse dist on la bataille des mors avoir esté, [et] fu la bataille des Castelloings et des Portingaloisc par telle maniere que elle fu moult cruelled 1. Finablement cil conte de Portingal et ses gens obtindrent et subjuguerent, et furent Castelloings desconfiz, et fu prins le roy de Castille, par la quelle prinse le conte de Portingal vint a paix telle comme il voult, et furent adont departis, devisez et abonnez les deux royaumes de Portingal et de Castille.
« Ete pour ce que les Portingalois qui a celle bataille furent virent que Dieu y avoit fait sa grace que un petit nombref de gens que ilz estoient avoient desconfit la puissance du roy de Castilleg, ilz vouldrent augmenter leur terre et leur paÿs, et en firent un royaume et couronnerent les prelas de Portingal et les seigneurs leur premier roy en la cité de Connimbres, et le firent chevauchier parmi tout son royaume, la couronne de lorier ou chief, en signifiant honneur et victoire, ainsi comme anciennement les roysh souloient faire. Depuis est toujours demouré le royaume de Portingal a roy. Et sachiez, Monseigneur, que ainçois que ilz se veissent en la subgeccion des Castelloings, ilz prendroi– [272rb] –ent un moult loingtain du sanc du roy de Portingal qui seroit mort sans avoir masle de luii.
« Et quant le roy de Portingal fu venu sur la place, on lui demonstra bien toutes ces choses, et advint endementres que le connestable et le mareschal ordonnoient les batailles, que messire Jehan Ferrant Percek vint en l’ostj, li quel au matin s’estoit partis de sa garnison de Ront2, et admena avecques li .xl. lances, dont on ot grant joye de sa venue, car il fu mis au frain du roy3. Et quant noz batailles furent toutes ordonnees et mises en bon arroy et en bonne ordonnancek, et que on n’attendoit autre chose que les ennemis, et ja estoient noz chevaucheurs envoiez pardevers eulx pour enquerir de leur contenementl, le roy se mist entre ses gens et fist faire sillence et paix. Lors dist il :
« “Seigneurs, vous m’avez couronné a roy. Or me monstrez loyauté, car puisque je sui si avant et meesmement sur la place de Juberot, jamais ne m’en retourneray arriere en Portingal, s’y auray combatu mes ennemis.”
« Tous respondirent,
« “Sire roy, nous demourrons avecques vous, ne ne fuirons nullement.”
« Orm s’approchierent ces batailles, car les Castelloings avoient desir de nous trouver et nous combatre, si comme ilz en monstroient le semblant. Nous envoiasmes noz coureurs devant pour les adviser, et quelz gensn ilz estoient en nombre pour nous conseillier sur ce. Noz coureurs demourerent plus de .iij. heureso entieres sans retourner ne oïr nulles nouvelles d’eulx, et fu tel foiz que nous les cuidasmes avoir perdus. Toutefoiz ilz retournerent et nous raporterent justement leur contenementp et la quantité de leurs batailles, et dirent