[272va] que en l’avantgarde avoit bien largement sept mille lances armez de pié en cap, la plus belle chose qu’on peust veoir, et en la grosse bataille du roy avoit bien .xxx. mille chevaulx, et tous hommes armez sus. Quant noz gens et les seigneurs sceurent le nombre d’eulx et comment ilz venoient, et que l’avantgarde estoit pres de deux lieues oultre la bataille du roy, car ilz n’estoient pas bien tous d’accord, li Gascons et li estrangier avecques les Castelloingza, si orent noz gens conseil de nous tous tenir ensemble et sur nostre fort, et de faire deux esles de batailles, et les gens d’armes ou bien avoit deux mille et cinq cens lances ou fons de ces deux esles. La peussiez vous veoir, Monseigneur, bonne ordonnance de bataille et gens grandement reconfortez, et fu dit et commandé depar le roy et sur la teste que nul ne preist riens ce jour a raençon se la journee estoit pour nous, ou tout mourir ou tout vivre, et fu ce la fait et ordonné pour le meilleur, car si comme les seigneurs disoient :
« “Se nous nous entremettons ou embesoignons ab prendre prisonniers, nous nous decevrions et ne pourrions entendre a chose que nous aurions a faire. Si vault miex que nous entendions au bien combatre que [a la]c convoitise d’avoir prisonniers, et nous vendonsd ainsi que bonnes gens doivent faire qui sont sur leur heritaige.”
« Ceste parole fu acceptee et tenue. Lors vindrent noz ennemis aussi serrez que nulle chose pouoit estre pardevant nous, et mistrent tout pié a terre, et chacierent chevaulz arrieree et lacierent leurs plates et leurs bacinés moult faitissement, abaissierent les visieresf et apointierentg les lances et nous approuchierent de grant [272vb] volenté, et vraiement la avoit fleur de chevalerie et d’escuirie, et bien le monstrerent. Entre nous et eulx avoit un petit fossé, et non pas grant, que un cheval ne peust bien saillir oultre ; ce nous fist un petit d’avantaige, car au passer noz gens qui estoient en deux esles et qui lançoient de dardes affillees dont ilz en mehaingnierent pluseurs, leur donnoient grant empeeschement. Et la ot d’eulz au passer ce tantet de fossé de moult traveilliez et foullezh. Quant ilz furent oultre ilz assemblerent a nous, et creusmes et fu l’oppinion des nostres que quant ilz assemblerent a nous que ilz cuidierenti que le roy de Castille et sa grosse bataille les suivissent de pres, mais non firent, car ilz furent avant tous mors et desconfiz que le roy de Castille ne ses gens venissent. Si vous diray par quelle incidence ilz furent encloz et enserrez entre nous de ceulx que nous appellons les communaultez de nostre paÿsj, par tele maniere que on frappoit et feroit on sur eulz de hasches et de plommeesk sans eulx espargnier, et noz gens d’armes qui estoient fres et nouviaulx leur vindrent audevant en poussant de lances et en eulx recullant et reversant ou fossé que ilz avoient passé. Et vous di, Monseigneur, que en moins de demie heure ce fu tout fait et accompli, et tous mors sur le champ de droite gens d’armes plus de quatre mille, ne nul n’y estoit prins a raençon. Et quant aucun chevalier ou escuier des nostres en vouloient un prendre, on lui occioit entre ses mains.
« Ainsil cheïrent en pestillence et a desconfiture noz ennemis,