[246va] dont ilz avoient si advironné la bonne cité de Thoulouse que les bonnes gens ne pouoient aler hors labourer leurs vignes ne terres, ne esloigner Thoulouse pour aler a leurs marchandises, fors en grant peril, se ilz n’estoient a trieuves ou mis a pattis a eulx. Et de tous ces chasteaulx estoit souverain capitaine un appert homme d’armes de Bascle, Angloisa, qui s’appelloit Espaignolés1. Et vous di que cil Espaignolés fist grans merveilles d’armes, car il prinst et eschella le chastel de Cruvale, endementres queb le seigneur, messire Raymon, estoit alez a Thoulouse, et le tint plus d’un anc. En ce termine que il le tint, il fist une mined en terre qui vuidoit et aloit aux champs et entroit en la salle. Et quant elle fu faicte, il reserrae dessus et y mist les quarreaux, et ne sembloit pas qu’il y eust alee dedens terre. Endementres quef on faisoit celle mine, traitoit le sire de Cruvale a Espaignolet comment il peust pour argent ravoir son chastel. Quant Espaignolés ot fait toute la mine, il s’accorda au chevalier et lui rendi pour .ij. mille frans et s’en parti, et toutes ses gens. Messire Raymon rentra en son chastelg et le fist reparer et rapareillier ce qui rompuh estoiti. Ne demoura pas .xv. jours aprés que Espaignolés, avecques sa route, s’en vint de nuit bouter ou conduit dont l’alee responnoit au chastel, et s’en vint – et tous ceulx qui suivir le vouldrent – parmi la mine et le conduit bouter en la sale du chastel a heure de mienuit. Et fu derrechief le chastel prins et le chevalier dedens son lit, et le rençonna encores a .ij. mil frans et puis le laissa aler, mais il tint le chastel et en fist une bonne garnison qui grandement traveilloit le païs avecques les autres qui estoient de son aliance et de sa compaigniej[246vb]
Pourk telz manieres de gens – pillars et robeurs – qui faisoient en la marche de Thoulouse et de Roergue guerre d’Anglois, fu envoié messire Gautier de Pasac a une quantité de gent d’armes et de Genevoisl a Thoulouse pour delivrer le païs des ennemis, et s’en vint a Thoulouse et fist la son mandement des chevaliers et escuiers de la environ, et escripsi devers messire Rogier d’Espaigne le seneschal de Carcassonne, le quel le vint servir, car messire Gautier avoit commission general sur tous les officiers de la Langue d’Och, pourquoy cil qui escrips et mandez estoient venoient a ce que ilz avoient de gens. Si vint le dessus dit messire Rogier a .lx. lances et a cent pavasm 2, et le seneschal de Roergue3 a autant, et messire Hugues de Froideville autant ou plus. Si se trouverent bien ces gens d’armes, quant ilz furent ensemble, environ .iiijc. lances, et bien mil portans pavasn que gros varlez. Encores y estoient le filz au conte d’Oscerach4 a belle compaignie, le sire de Barbesen, messire Benedic de la Fagnoleo 5 et Guillaume Cauderon6, Il s’agit de Saint Breton, et sa route. Si se departirent un jour de Thoulouse et s’en vindrent devant Saint Sorgetp, et la s’arresterent. Et le tenoit un homme d’armes de Berne – grant pillart estoit – qui s’appelloit le bourch de Taillart7.
Quant ces seigneurs et leurs routes furent venus devant Saint Sorgetq, ilz se logierent et tantost alerent a l’assault, et commencierent Genevois a traire de grant façon et si fort que a paine ne s’osoit nulz des deffendans, pour le trait, demonstrer aux murs de la ville et du fort, mais les François ne l’eurent pas ce premier jour pour assault que ilz y feissent. Quant ce vint
- Espagnolet (Basque), partisan des Anglais.
- Pavois, ou grand bouclier.
- Arnaud de Landorre, sénéchal de Rouergue 1369-1374, et 1380-1386.
- Jean II, comte d’Astarac.
- Benoît de la Faignole.
- Guillaume Cauderon, Breton.
- Le Bourc de Taillard, ou peut-être le Bourc de Taillac, comm. Abos, cant. Monein (Basses-Pyrénées) ; « grant pillart ».