[247ra] au soir, ilz s’alerent logier et passerent la nuit tout aise : ilz avoient bien de quoy. A l’endemain a matin aprés boire on se arma parmi l’ost, car les trompettes “A l’assault” sonnerent, et puis se mistrent les seigneurs en ordonnance pour assaillir, et s’en vindrent tout le pas jusques au pié des fossez. Qui veist donc gens d’armes entrer dedens et porter leurs targes sur leurs testes1 et taster le fons de leurs lances2 et aler tout oultre jusques au pié du mur, il y preist grant plaisance. Quant les premiers furent passez et ilz eurent monstré chemin, les autres ne retarderenta pas mais les suivirent de grant volenté, car blasme leur eust esté se ilz se feussent tenu derriere et leurs compaignons feussent devant, et portoient ceulz qui secondement aloient pics et hoyauxb en leurs mains pour perser et hoyer le murc, et en ce faisant tenoient les targes sur leurs testes pour recevoir le gietd des pierres qui venoient a la foiz d’amont, mais planté n’estoit ce mie, car les Genevoiz qui sur les fossez se tenoient et qui ouniement traient3, occupoiente si ceulx qui venoient jusques aux creneaulx pour defendre, que ilz n’osoient bouter hors leurs testes, car ces arbalestriers genevois sont si juste de leur trait que point ilz ne faillent la ou ilz visentf. Si en y ot de frappezg de ceulz de dedens plus de sept, et ferus de longs viretons parmi les testes, de quoy leurs compaignons qui aux defenses estoient redoubtoienth grandement le trait. Tant dura cil assault au chastel de Saint Sorgeti, et si bien fu assaillis et de si grant volenté, que ceulz qui estoient au pié du mur par hoer et par minerj en abatirent un grant pan. Adonc furent ceulx [247rb] de dedens esbahis et se vouldrent rendre, saulve leurs vies, mais on n’en ot cure, car ilz cheïrent en si bonnes mains que messire Gautier commanda qu’ilz feussent tous occisk. Depuis ceste parole, nulz ne fu prins a merci, mais furent tous mors. Onques nul n’en eschapa. Ainsi eurent de premiere venue, li baron et li chevalier de France qui la estoient venuz, le chastel de Saint Sorgetl. Si le rendi messire Gautier au seigneur qui la estoit, le quel l’avoit perdu en l’annee par sa folle garde, ainsi que pluseurs chasteaulx ont esté ou temps passé perdu en Francem.
Aprésn la prinse du chastel de Saint Sorgeto, et que messire Gautier l’ot rendu au chevalier a qui il estoit devant, le quel le fist reparer – et besoing en avoitp, car les François l’avoient grandement destruitq a l’assaillir et a prendre – ceulx seigneurs se departirent et s’en vindrent devant le chastel de La Bouffee, du quel Ernauton de Batefol4, Gascon, estoit capitaine. Et l’avoit fortifié grandement pour la cause des François qui le devoient venir veoir, ainsi comme ilz firent. Quant on fu venu a La Boufee, on mist le siege environ, et advisierent li seigneur comment on le pourroit assaillir au plus grant avantaige sans moins traveillier leurs gens. Et quant ilz eurent tout avisié, ilz virent bien lieu, si se ordonnerent un jour et s’en vindrent celle part ou ilz tenoient la plus foibler. La estoient Genevoiz arbalestriers ordonnez pour traire, et les assaillans arrengiers par derriere, lesquelz s’aquitoient loyaument de faire leur mestier, car ilz traioient si ouniement et si fort a ceulz de dedens que a paine ne s’osoit nul demonstrer. Ernauton de Batefol le capitaine estoit a la porte ou il y avoit grant assault, et la faisoit merveilles d’armes, et tant
- C’est-à-dire, portant leurs boucliers au-dessus de leurs têtes pour se protéger contre les projectiles lancés du haut des murs.
- Détail précieux nous renseignant sur un aspect important de la guerre de siège ; sur la façon dont on comblait alors les fossés avant un assaut, voir Contamine, « Le château … », 95-96.
- Le verbe est au présent car il s’agit d’une vérité commune : les arbalétriers génois étaient réputés fournir un tir continu et fort précis.
- Frère bâtard de Seguin. Selon Edm. Cabié, le capitaine de La Bouffie fut Péricot de Roquetaillade, qui y commandait pour Ramonet del Sort (Cabié, 1901, p. 15).