[249ra] en alant en Lymosin et en Roergue, et li aucun quant ilz se sentirent hors du peril se departirent et prindrent autres chemins, et distrent que jamais ne vouloient guerroier. Angerot s’en vint, li .v.e,a a une ville et chastel de Pierregort que on dit Montcroial. Le chevalier et seigneur du chastel le reçut doulcement et joieusement, car il et toute sa terre est anglescheb 1, ne oncques ne se voult tourner françois quant li autre se tournerent ; toutevoiesc il en y ad pluseurs de son oppinion.
Ainsie se sauverent et eschapperent les compaignons de la garnison de Pulpuron, ne onques un tout seul varlet ilz ne laissierent derriere, et furent tous ou aucques pres la ou ilz vouloient estre avant que on sceust en l’ost que ilz estoient devenus. Au tiers jour aprés ceste issue et departement, li seigneur ordonnerent un assault, et avoient fait charpenter un engin sur quatre roes, ouquel engin avoit troisf estaiges2; en chascun estaige pouoit [avoir] .xx. arbalestriersg.
Quant tout fut appareillié, on amena et bouta on cel engin que ilz appelloient un passavant3 au plus foible lieuh du chastel a leur advis. Si entrerent li Genevois dedens, et quant li engin fu la ou ilz le vouloient mettre, arbalestriers commencierent a traire sur le chastel, et nul n’apparoit. Tantost ilz se apperçurent que le chastel estoit vuit, car nul ne venoit aux defenses. Adonc cesserent ilz leur trait, car ilz ne vouloient pas perdre leurs saiettes ; trop envis les perdent, et volentiers les emploient. Si descendirent jus de leur engin et vindrent aux seigneurs qui la estoient, lesquelz s’esmerveilloient de ce que ils [249rb] veoient, et leur distrent :
« Sachiez certainement que il n’y a ame en ce chastel.
– Comment le pouez vous savoir ? ce dist messire Gautiers.
– Nous le savons pour tant, que pour trait que nous aions fait, nul ne s’est demonstré. »
Adonc furent ordonnees eschielles, et mises et appuieez contre le mur. Si monterent compaignons et gros varlés qui estoient tailliez de ce faire, lesquelz monterent tous paisiblement, car nul n’estoit ou chastel, et passerent les mursi et s’avalerent ou chastel et trouverent tout vuit. Si vindrent a la porte et trouverent un grant montj de clefs qui la estoient. Si firent tant et cerchierent que ilz trouverent cellek qui clooit la portel ; si la defermerent et ouvrirent, et avalerent le pont et ouvrirent les barrieres l’une aprés l’autre. De tout ce eurent li seigneur grant merveille, et par especial messire Gautier de Pasach, et cuidoit que par enchantementm ilz s’en feussent alez et partiz du chastel, et demanda aux chevaliers qui la estoient comment ce pouoit estre.
An la parole de messire Gautier s’avisa le seneschal de Thoulouse, si respondi et dist :
« Ilz ne s’en pevent estre alez certainement, sire, fors par dessoubz terreo, et je croy bien que il y ait aucune alee dedens terre, par laquelle ilz s’en sont vuidiez et alez. »
Adonc fu regardé par tout le chastel ou ceste cavernep et alee pouoit estre. On la trouva es celiers, et l’uis de l’alee tout ouvert. Les seigneurs la vouldrent veoir, et la virent, dont messire Gautier ot trop grant merveille, et demanda au seneschal de Thoulouse :
« Messire Hugues, ne savez vous point ceste mine et conduitq?
– Par ma foy, respondi messire Hugues, je avoie bien oÿ dire
- Partisan des Anglais.
- Froissart décrit ici une tour sur roues et à plusieurs étages permettant aux assaillants d’attaquer ou de surplomber les murs plus efficacement. Sur les chats, beffrois, eschafauts et engins, et sur l’évocation chez Froissart de la guerre de siège, voir Contamine, « Le château … », 95-98.
- Tour mobile à partir de laquelle on jetait une passerelle permettant aux assaillants de prendre pied sur le haut du mur.