[251ra] le paÿs. En la compaignie de messire Gautier de Pasach vint la le seneschal de Nebosema, le quel est et respont au conte de Fois, mais messire Gautier le manda que il venist la avecques lui pour aidier ab faire vuidier les ennemis du paÿs, car autant bien couroient ilz en la seneschaucie de Nebosem quant il leur venoit a point, comme ilz faisoient ailleurs. Et ce fu la raison pourquoy le seneschal de Nebosem vint servir adonc messire Gautier. Et encores fu signifiez au conte de Fois, qui le consentic ; autrement ne l’eust il point osé faire. On fu devant le Doz Julien .xv. jours avant que on le peust avoir, car il y avoit fort chastel assez, et capitaine de grant emprinse, un escuier gascon qui s’appelloit Bernier de Brunemote1, appert homme d’armes durement, et estoit issus de Lourde quant ild vint prendre le dit chastel ; toutefoiz on ne l’eust pas par assault mais par traittié, et s’en partirent ceulz qui le tenoient, sauves leurs vies et le leur, et encores furent ilz sauvement conduiz jusques a Lourde, et les conduisi un escuier qui s’appelle Bertran de Montdigon2. Quant les seigneurs de France eurent le Dos Julien, ilz se conseillierent quele chose ilz en feroient, se ilz le tendroient ou se ilz l’abatroiente. Conseillié fu pour le mieulx que il seroit abatusf, pour la cause de ceulx de Lourde qui leur sont trop pres ; si pourroit avenir que quant les seigneurs s’en seroient partis, ilz le vendroient prendre et embler derrechief. Lors fu il commandé a abatre et arraserg, et le fu telement que encores sont la les pierres en un mont, et n’espere l’en pash que on le reface [251rb] jamais. Ainsi ala du Dos Julien. Aprés s’en vindrent ilz devant Navaret, un fort aussi que compaignons aventureux qui estoient issus de Lourde avoient tenu plus d’un an et demii, mais quant ilz entendirent que ceulx du Doz Julien estoient partis, ilz se departirent aussi et emporterent ce que ilz peurentj et s’en vindrent bouter en Lourde. La estoit leur retour et leur garant, car bien savoient que on ne les iroit la pour querir, qui ne vouldroit perdre sa peine, car Lourde est un chastel impossible a prendrek.
Orl prindrent ceulx seigneurs leur retour, quant ilz orent fait abatre et arrazerm le Doz Julien, vers le fort de Nanaret ; si le trouverent tout vuit. Adonc fu ordonné que il seroit abatusn, aussi le fu il, dont ceulx de Tharbe ne furent pas courrouciez, car ceulx qui l’avoient tenu leur avoient porté moult de dommaiges et de contraireso. Aprés ce on vint devant le chastel d’Aust en Bigorre3 qui siet entre les montaignes et sur les frontieres de Berne. La fu on environ .xv. jours durant lesquelz on leur livra maint assault. Si conquesta on la bassecourt et tous leurs chevaulxp, mais une grosse tour seant sur une roche assez haulte ne pot on conquerre, car elle n’est pas a prendre. Quant li seigneur virent que ilz perdoient leur peine et que Guillonnet de Morentun4 qui tenoit le fort ne vouloit entendre a nul traitié ne vendre ne rendre le fortq, ilz se departirent et s’en retournerent a Tharbe. Et la donna congié messire Gautier de Pasach a toutes gens d’armes de eulx retraire et de aler chascun en son lieu, et furent paiez de leurs gaiges ou bien assignez a leur plaisance, ceulx qui l’avoient servy en ceste armee, et il meïsmes s’en parti aussi et s’en vint
- Bernier de Brunemotte, écuyer gascon.
- Bertrand de Montdigon.
- Oursebelille, d’après un renseignement de P. Arette : « Oursbelille [lo castel Dortz 1251 (Glanage Larcher)] est à 9,4km au N-O. de Tarbes, effectivement proche des frontières du Béarn et d’une région de coteaux (les montaignes ?) parfois abrupts. De l’ancien château, il reste un donjon ruiné sur une motte castrale de plus de 14m (la grosse tour seant sur une roche assez haulte ?): http://agmauran.pagesperso‑orange.fr/chateauOur.htm (consulté le 18 mars 2018).
- Guillonnet de Morentun ou Morestun, capitaine de Saint-Ost.