[260ra] du roy de Castille, et me couvenoit donc, se justement vouloie ouvrer, oïr autant bien parler les Portingalois comme je avoie fait les Gascons et Espaignolz en l’ostel de Fois et sur le chemin alant et retournant1. Si ne resoingnay pas la paine ne le travail de mon corpsa, mais m’en ving a Bruges en Flandres pour trouver les Portingallois et Lusebonnois, car tousjours en y a grant planté2. Or regardez comment je fis, se c’est de bonne aventure. Il me fu dit et je le trouvay bien en voir que se je y eusse visé .vij. ans je ne pouoie miex venir a point a Bruges que je fis lors, car on me dist, se je vouloie aler a Melledebourchb 3 en Zellande, je trouveroie la un chevalier de Portingal vaillant et saige homme, et du conseil du roy de Portingal, qui nouvellement estoit la arrivez, et par vaillance il vouloit aler et tout par mer en Prusse4. Cil me diroit et parleroit justement des besoignes de Portingal, car il avoit esté a toutes, et par toutesc. Ces nouvelles me resjouirent, et me parti de Bruges avecques un Portingalois en ma compaignied qui congnoissoit bien le chevalier, et m’en ving a l’Escluse5, et la montay en mer et fis tant par la grace de Dieu que je arrivay a Melledebourch. Si m’acointa li homs qui estoit avecques moy du chevalier cy dessus nommé, le quel je trouvay gracieux, saige et honnourable, courtois et accointable ; et fu avecques lui .vj. jours ou environ, et tant qu’il m’y plot a estree. Cil me accointa et enforma de toutes les besoignes advenues entre le royaume de Castille et le royaume de Portingal depuis la mort du roy Ferrant jusques au jour qu’ilf estoit issus hors du dit royaume. Et [260rb] si doulcement et attrempeement le me comptoit et tant volentiersg que je prenoie grant plaisance a l’oïr et a l’escrire. Et quant je fu enfourmez de tout ce que je vouloie savoir, et vent fu venu, il prinst congié a moy et entra enh une carraque grande et forte assez pour aler par mer par tout le monde ; et prins congié a lui dedens le vaissel, aussi firent pluseurs riches marchans de son paÿs qui l’estoient venu veoir de Bruges, et les bonnes gens de Melledebourch. En sa compaigniei (en sa compaignie) estoit le filz du conte de Navarrejde Portingal6 et pluseurs chevaliers et escuiers du dit royaume, mais on lui faisoit honneur dessus tous, et certainement a ce que je peuz veoir et ymaginer, de son estat, de son corps et de son affaire il le valoit, car il avoit moult belle fourme, et taillie d’estre vaillant et noble hommek. Or retournay depuis a Brugesl et en mon paÿs, si ouvray sur les paroles et relacions faictes du gentil chevalier messire Jehan Ferrant Porcechm 7, et croniquay tout ce que de Portingal et de Castille est avenu, jusques a l’an de Grace mil trois cens .iiijxx. et .x.
§ 30.
Comment ceulx de Portingal envoierent messages en Angleterre, pour dire et noncier les nouvelles de leur paÿs, au roy et aux grans seigneurs d’Angleterren.
Or dist li comptes que, aprés ce que le roy Jehan de Portingal ot desconfit en bataille le roy Jehan de Castille ou champ de Juberot8 pres de l’abbaie que on dit ou paÿs a La Cabasse9, ou tant de nobles gens, chevaliers et escuiers du royaume de France et de Gascoigne et du royaume de Castille furent mors, et que le roy Jehan de Portingal pour celle belle et victorieuse journee fu moult eslevez, redoubtezo et honnourez des Portingallois
- Allusion au voyage en Béarn entrepris par Froissart en 1388-89.
- Le commerce entre le Portugal et les Flandres était bien actif.
- Middelbourg, capitale de la Zélande, Pays-Bas.
- Il allait donc participer à la croisade en Prusse aux côtés des chevaliers teutoniques. En juin 1390 Henri de Lancaster, frère de la reine portugaise Filipa, partit en Prusse comme capitaine d’un groupe de chevaliers.
- L’Écluse ou Sluis, auj. en Belgique (port auj. ensablé).
- D’habitude Froissart se sert de ce nom pour désigner le connétable Nuño Alvares Pereira.
- João Fernandes Pacheco, fils de Diego Fernandes Pacheco ; il avait épousé Inez Téllez, nièce de la reine Leonor.
- Aljubarrota.
- Alcobaça.