At vos fœlices animæ, quibus aurea cordi
Sæcla, pias puro funditis ore preces:
Aligeræ acies, ciues stellantis Olympi:
Plaudite: Roma fuit Babela, Papa fuit.

AVrea præclari splendet lucubratio Foxi,
Quem parili dono Nymphæ Musæ bearūt
Et quem pro meritis extollere iure videntur
Dij Deæ omnes: vates ter magnus Apollo
Hunc peperit: cuius cerebro satus esse videtur,
Vir pius hic, penitus, diuino percitus æstro:
Quem, Nemesis nocitura nihil, facit, impulit, vrget,
Instar præconis totum resonare per orbem,
Ista Papistarum crudelia facta notare,
Quæ merito poterint nigro carbone notari.
Nam postquam subitò lachrymosa morte peremptus
Rex Edouardus erat, nulli pietate secundus,
Ecce Sacerdotum grex impius atque nefandus,
Eheu succeßit mytris & vertice raso
Ore cruentati miscentes omnia cæde, et
Singula terribili vexabant oppida flamma.
Sed Deus omnipotens cuius clementia magna est,
Cuius item & propriū est misereri & parcere semper,
Nunc vindex pater est, nunc miscens verbera verbis,
Qui solet in media vitam dare morte perennem,
Noluit in populo sufferre diutius isto
Tam crudele scelus, nec sæuo corde tyrannos.
Ast vbi iam pœnis meritam saciauerat iram,
Mira canam, sed vera canam, sublata Maria est,
Expectata pijs venit omnibus Elizabetha.
Quæ seu pastor oues in pinguia pascua duxit,
Et dedit arcanis oracula mersa tenebris,
Eripuit suos gelidi formidine lœthi.
O vtinam memores benefacta priora tenentes
Pectore, non reddat cæcas incuria mentes:
Singula quid referam, luculento hæc ordine Foxus,
Foxus aio meritò toto celebrandus in orbe:
Quæ loquimur vidit, testatur, & omnia pandit,
Omnibus archiuis scrutatis atque regestris,
Pontificum, iustum fecit volumen ad vsus,
Corpora cæsorum narrat monumenta virorum
Propter Euangelium, tum dulcia dogmata Iesu:
Ergo agite ô læti pariter iuuenes, senes
Laudibus excelsum celebretis ad æthera Christum,
In Christo Foxum votis precibus iuuetis,
Martyribus iustum quoniam tribuebat honorem,
Da Deus auxilium de summo monte salutis,
Vt nos qui ætherea spirantes viuimus aura,
Absque fuco veram recolamus Relligionem
Nostrorum & fratrum penitus pia facta sequamur,
Qui maledicta vomant hostes, & probra loquuntur.
Obruat hos mærens turbato infamia vultu,
Vel Deus hos sæuo vastandos trade tyranno:
Ast vbi solicite recitanti hæc omnia Foxe

Mens infracta malis, animi vigor integer adsit,
Et responsuris ferat Anglia vocibus, Amen.

SIccine Foxe iuuat ferrum, flammas viros
Pandere, qui reduces Christi cœlestis ad oras
Aetneos fugiunt fratres, Italum Cyclœpa
Montibus inclusum septem, totidem vorantem
Faucibus, impurum sectæ genus vnde papalis?
Fœlices animæ, quæ vos tormenta gementes
Preßerunt? pressos heu quot miseranda vorarunt
Funera? soliciti siquidem res plena doloris
Cœli verus amor, spretæ iniuria Romæ.
Nunc tamen optato donati munere, Christo
Gaudetis, Christi meritis & morte beati.
Et te Foxe manet studiosi palmi laboris
Et te Daie pater, cuius non prælia, præla
Inuisos merito terra Deo Cyclopas
Ter circum Angligenas raptarunt fortiter oras.

Page. 723. col. 2. in the margent, for 250. read 250. thousand.
Page. 780. col. 2 lin. 6. for Sadlyng, read Spaldying. Item lin. 18. for Spadlyng, read Spaldyng.
Page. 1023. col. 2. line 67. read. 18. thousand. 8. hundred.
Page. 1200. col. 1. lin. 8. for Dod, read Tod.
Page. 1321. col. 1. lin. 40. read, and the Duke was condemned.
Page. 1598. col 1. lin. 43. read Richard Hoke.
Page. 1621. col 1. lin. 6. Whereas it is mentioned of Maister Edward Bourton Esquier, that he was brought to the Church and there denyed Christian buriall: vnderstand (gentle Reader) that he was not brought to the place of burial, but only a messēger whose name is Iohn Torperley was sēt to know whether he should be buried in Christian burial or not which beyng denyed hym he was there vpon buried in his owne garden, as is declared in the page aboue mentioned.