Et le lieu que je verroie et ou
je seroie le plus voulentiers est
a Romme. Car elle est ancienne
ment de nostre heritaige et la
ont noz predecesseurs autreffois
concquise et gouvernee par di
verses et pluiseurs foiz. Et la
veul porter couronne et y maine
ray le califfe de Bandas, le tacon
de Tartarie et le soudan de Babi
lonne, qui me y couronneront."
Ceulx respondirent qui estoient
a genoulz devant Lamorath Ba
quin qu’ilz acompliroient tout
son desir, et se partirent de lui
atout LXM Turcqs entre lesquelz
il en y avoit XXM des plus aida
bles et les plus preux et mieulz
arméz de toutte Turquie. Et
ceulx menoient l’avantgarde.
Tant exploitterent qu’ilz vindrent
entre les montaignes de Lazara,
si ne trouverent a l’entree du
pas nul empeschement et se bou
terent ceulx de l’avantgarde
dedens, si les conduisoient le
duc de Mecque et le duc de Da
miette et passa ceste avantgarde
toutte l’embuche du conte de La
zara. ¶ Quant le conte et
les Honguers veyrent que ilz en
avoient leur charge, ilz mirent
ouvriers en oeuvre et abatre
boys et gros sappins et mettre
et jetter a travers le pas et en
empescherent tous les chemins
tant que tous furent cloz, si ne
estoit en puissance d’homme de
aller plus avant. La furent en
cloz trente mille Turcqs qui fu
rent assailliz des Honguers tres
vigoureusement et tellement