chevaucha la nuit avecques XXX de
ses compaignons et vindrent a ce
fort chastel et l’eschewerent et gaingnerent. Et
pristrent dedens le seigneur que on appelloit le viconte de Comborne et
occirent toutes ses mesnies de leans. Et mistrent le seigneur en prison en
son
chastel meismes. Et le tindrent si longuement qu’il se raençonna a XX
M escus tous appareilliéz. Et encore tint le dit brigant le dit
chastel et le garny bien et en guerroya le païs. Et depuis pour ses prouesses le
roy de
France le voult avoir deléz luy et acheta
son chastel XX
M escus. Et fut huissier d’armes au
roy de France et en grant honneur deléz
luy et estoit appellé le brigant Bacon. Et estoit tousjours bien
monté de beaux coursiers, de doubles roncins et de grans pallefrois. Et aussi armé comme
ung conte et vestu tres richement et demoura en ce bon estat tant qu’il vesqui.
SHF 1-316 sync
En pareille maniere se maintenoit on en la
duchié de Bretaigne, car si
fais brigans conqueroient et gaingnoient villes, forteresses et bons chasteaux et les rovoient et
tenoient. Et puis les revendoient a ceulx du païs, bien et chierement. Si en devenoient les
aucuns qui se faisoient les maistres si riches que c’estoit merveilles. Et en y ot ung entre les
autres que on appelloit
Crokac, qui avoit esté en son commencement ung
povre garçon et longtemps page au
seigneur de Ecles en Hollande. Quant ce
Crokac commença a venir, il ot congié, si s’en ala ens es guerres de
Bretaigne et se mist
ou service d’un homme d’armes. Si se porta si bien que a
une rancontre ou ilz furent, son maistre fut tué. Mais par la prouesse de luy, les compaignons
l’eslurent a estre cappitaine ou lieu de son maistre et y demoura depuis ung pou de temps, il
gaigna tant qu’il acquist et prouffita par rançons, par prises de villes et de chasteaux qu’il
devint si riche que on deisois que il avoit bien la finance de soixante mil
escus, sans les chevaulx, dont il y avoit bien en son estable XX ou XXX coursiers et bons et doubles roncins. Et avecques ce, il avoit le nom d’estre le
plus appert homme d’armes qu’il feust ou païs et fut esleu pour estre en la
Bataille
des XXX et fut tout le meilleur combatant de son costé de la partie
des
Anglois, ou il acquist grant grace. Et luy fut promis du
roy de
France quel se il vouloit devenir
François, le
roy le feroit chevalier. Et le marieroit bien et richement. Et donroit II
M livres de revenue par an. Mais il ne le voult accorder ne en
riens faire. Et depuis luy meschey il ainsi que je vous diray. Ce
Crokac
chevauchoit une fois une jeune beste appellé coursier fort embridé, qu’il avoit
acheté trois mille escus. Et l’esprouva a courir. Si l’eschaufa tellement que le
coursier oultre sa voulenté l’emporta, si que au saillir une fossé le coursier tresbuscha et
rompy a
son maistre le col. Ne je ne sçay que son avoir devint, ne qui ot l’anie. Mais je sçay bien que
Crokac fina ainsi.
SHF 1-317 sync
Comment le cappitaine de Calais rendy la ville au cappitaine
de Saint
Omer. Et aussi comment le roy pb 154 r