aidier a excuser, se Dieu me vueille aidier, j’en sçay pire gré a
messire Geuffroy de
Chargny que a toy qui en bonnes treves a ce pourchacié."
Aimery de Paine se leva a tant de devant
le
roy qui a genoulx et en grant cremeur avoit esté et dist : "Certes,
tres
chier sire, pour son pourchas a ce esté et non pas par le mien; car jamais n’y eusse osé
penser." "Or va," dist le roy, "et fay la besongne ainsi que je t’ay
dit. Et le jour que tu devras livrer le
chastel, si le me signifie." En cel estat et
sur la parolle du roy se parti
Aimery de Paine et s’en retourna arriere a
Calais et ne fist
semblant a ses compaignons de chose qu’il eust entreprise de faire.
Messire Geuffroy de
Chargny, qui se tenoit pour tout asseuré d’avoir le
chastel de Calais, pourvey
l’argent et croi qu’il n’en parla oncques au
roy de France. Car le roy ne
luy eust jamais conseillié ce faire pour cause des treves qu’il eust enfraintes. Mais le dit
messire Geuffroy de Chargny se descouvry bien secretement a aucuns chevaliers de
Picardie qui tous furent de son accord. Car la prise de
Calais leur touchoit trop grandement et a telz comme a monseigneur de Fiennes,
a
messire Eustace de Ribenmont, a
messire Jehan de Landas, a
messire Pepin de Wre, au seigneur de Crequi, a messire Henry du Bois et a plusieurs autres. Et avoit la chose si bien appareillee qu’il devoit avoir cinq
cens lances; car la greigneur partie de ses gens d’armes ne savoient ou il les vouloit
mener, fors tant seulement aucuns grans barons et bons chevaliers ausquelz il touchoit bien
du savoir. Et fut ceste
chose si approuchee que droittement a la nuit de l’an, la chose fut
arrestee d’estre faicte et devoit le dit
Aimery delivrer le
chastel de
Calais en celle nuit. Si le signifia le dit
Aimery par ung sien frere ainsi au
roy d’Angleterre.
SHF 1-318 sync Quant le
roy sot ces nouvelles et la certaineté du jour qui arresté
estoit, si manda
messire Gaultier de Manny, en qui il avt grant fiance, et plusieurs
autres chevaliers et escuiers pour mieulx fournir son fait. Quant
messire Gaultier
fut la venu, il luy compta pourquoy il l’avoit mandé et qu’il le vouloit mener a
Calais. Si se parti le
roy d’Angleterre a trois cens hommes
d’armes et VI cens archiers de la
ville de Londres et s’en vint a
Douvres et enmena le jeune
prince, son filz, avecques luy. Si
monterent le dit
roy et ses gens au
port de Douvres. Et vindrent sur une
vespree a
Calais. Et si embuschierent si quoyement que nul ne sot riens
pourquoy ilz estoient venus la. Si se bouterent les gens du
roy dedens le
chastel, en tours et en chambres, et le
roy meismes et ordonna ainsi et dist : "
Messire Gaultier de Manny, je vueil que vous soiés de ceste besongne chief. Car moy et
mon filz nous combatrons dessoubz vostre banniere."
Messire Gaultier de
Manny respondy "Sire, Dieux y ait part si me ferés ung grant honneur."
¶ Or vous diray de
messire Geuffroy de Chargny, qui ne mist mie en oubly l’eure
qu’il devoit estre a
Calais. Mais fist son amas de gens d’armes et
d’arbalestriers en la
ville de Saint Omer. Et puis se parti le soir et chevaucha tant
avecques sa route que aprés
pb 155 r