Quant Gillebert
et ses freres virent la conte
nance de ces Blans Chaperons si
n’en furent point trop resjouiz et
dist tantost Estiennes, l’un des freres :
"Je le vous disoie tousjours bien, certes
ce Jehan Lion nous desconfira par
sa grant subtilité. Il vaulsist trop
mieulx que on m’en eust laissié con
venir de lui occire que maintenant
il fust en l’estat ou il est et ou il
venira encores et tout par ces Cha
perons Blans que il a remis sus."
"Nenil," dist Gillebert, "mais que j’aye
parlé a monseigneur le conte, on les me
ttra tout jus. Je vueil bien qu’ilz
facent leur emprinse d’aler contre
ces fosseeurs de Bruges pour le
proufit de nostre ville. Car au voir
dire anciennement nostre ville par tele
maniere de fosséz en fut pire et
en valut moins. Et maintenant
se ilz nous tolloient le fil de l’eaue
du Lis nostre ville seroit a moitié per
due." Jehan Lion et sa route atout
blans chaperons se departirent
de Gaind en volunté et en propos
que d’occire tous ces fosseeurs et
ceuls qui les gardoient. Les nou
velles vindrent a ces fosseeurs
et a leurs gardes comment les
Gantois venoient la efforciement,
si se doubterent de tout perdre
et laissierent leur ouvrage et se
retrairent a Bruges tous effraéz
ne onques puis ne se hasterent
de fosser. Quant Jehan Lion et
les Blans Chaperons virent que
ilz n’en avoient nulz trouvéz,
si en furent moult courrouciéz
et se retrairent en la ville de Gand,
mais pour ce ne se cesserent ilz
mie de leur office, mais aloient
les Blans Chaperons tous viseus