estoient. Le
duc de Berry n’i estoit
point, ainçois estoit en
Avignon deléz
le pappe, et en avoit envoié
monseigneur de Coucy en grant haste
environ la Saint Jehan, et lui a
voit
dit compté la cause pour
quoy ces grans seigneurs et
ces
dames estoient la assembléz. Et
a peine pouoit le roy dormir de
la
grant faim qu’il avoit de veoir
celle qui depuis fut sa femme.
Et demandoit souvent au
seigneur
de la Riviere : "Et quant la verray je ?"
De ces paroles
avoient les da
mes bon ris. Le venrredi quant
la jeune dame fut
vestue et paree
et moult bien ordonnee ainsi comme
a elle appartenoit, les trois duches
ses l’amenerent devant le roy. Et
quant elle fut devant
le jeune roy,
elle s’angenoilla devant lui tout bas.
Et tantost le roy
vint vers elle
et la prinst par la main et la fist
lever et puis la regarda de grant
maniere. En ce regart, amour
et plaisance lui entrerent ou cuer
car il la vit belle et jeusne
et si a
voit moult grant desir du veoir
et de l’avoir. Adonc dist le conne
stable
de France au
seigneur de
Coucy et au seigneur de la Riviere :
"Ceste dame nous demourra, le roy
n’en puet oster ses oeulx." Adonc
en commencierent a parler ces
dames et ces seigneurs ensemble.
Et
la jeusne dame estoit en estant
toute coie et ne mouvoit ne oeil
ne bouche, et
aussi a cellui jour
elle ne sçavoit point de françois.
Quant on ot la esté une espace,
les dames prindrent congié au
roy et puis se retrairent et en ra
menerent leur jeusne damoiselle
et retourna en la compaingnie de
madame
de Hainault et de
madame
sa fille d’Ostrevent. Encores ne sça
voit on
point l’entencion du roy
mais on la sceut tantost aprés,
car le
duc de
Bourgongne en charga
le seigneur de la Riviere, quant le
roy
fut retrait, qu’il lui en parlast
et lui demandast quele chose il lui
sembloit de la jeune
dame et se elle
lui plaisoit pour prandre a femme.
Et le fist le duc, pour
ce qu’il sça
voit bien qu’il s’en descouvreroit
plus hardiement au seigneur de
la
Riviere que a nullui. Si lui de
manda sur son retrait : "Sire, que
dittes
vous de ceste jeusne dame ?
Nous demourra elle? Sera elle roine
de
France ?" "Par ma foy," dist le roy,
"ouil, nous ne
voulons autre. Et
dittes a mon oncle de Bourgongne,
pour Dieu, que on s’en
delivre." Le
sire de la Riviere yssit tantost de la
chambre et puis rentra
en une
autre ou le
duc de Bourgongne estoit,
et lui fist celle responce : "Dieux y
ait part," dist le
duc de Bourgongne,
"et nous le voulons
aussi." Tantost
il monta a cheval acompaingnié
de hauls barons et s’en vint en l’o
stel de Haynault, et y apporta ces
nouvelles, dont on fut tout resjoÿ,
ce
fut bien raison. A ces mos on
cria : "Noel !" Or furent les seigneurs
et les dames ensemble cellui ven
redi pour avoir conseil ou on
espouseroit.
Si fut ordonné que
on se departiroit d’
Amiens et que
on venroit on a
Arras espouser
et faire les nopces et la feste d’i
celles. C’estoit
l’entencion des
pb 201 v