quant le duc eut ouy ces paroles,
il penssa un petit et puis respon
dit : "Dieux y ait part! Ne vous ef
fraéz ne soussiéz de riens car les
choses venront a bien, ce sont
gens qui ne vous veulent nul
mal car je suis en aucune chose
tenu envers eulx et ay traittiéz
a eulx lesquelz il convient que je
porte oultre et que je m’en acquite.
Je m’en vois a Vennes. Et demain
je croy bien qu’ilz venront. Si
iray contre le conte, mon frere,
le conte de Boquingant, mon frere,
et lui feray toute l’onneur que je
pourrai car au voir dire je y suis
bien tenu. Et du surplus vous
feréz ainsi comme je vous conseil
leray : vous lui offriréz et presenteréz
les clefs de vostre ville et lui diréz
que vous et la ville estes tous rebra
céz et apareilliéz de lui recevoir.
Sauve tant que vous lui feréz
jurer que XV jours aprés ce qu’il
sera requis du partir, il partira
et vous rendra les clefs de la ville
et vezci tout le conseil que je vous
donne." Les bourgois de Vennes, qui
chevauchoient emprés le duc,
respondirent et distrent :
"Monseigneur, et nous en ferons
tout a vostre ordonnance." Depuis
chevauchierent eulx tous ensem
ble jusqu’a Vennes. Et la se lo
ga le duc celle nuit. Et les Anglois
s’en vindrent logier a Saint Jehan,
en un villaige seant a deux peti
tes lieues de Vennes. Ce soir re
ceupt lettres le conte de Bouquingan
du duc de Bretaingne qui lui escri
voit comme a son chier frere, car
le duc la seur du conte espou
see qui estoit fille du roy d’Angle