a tous ceulx qui ces presentes lettres verront ou orront, savoir
faisons que, comme nos bien améz et subgiéz les eschevins, doyens,
consaulx et communaultéz de nostre bonne ville de Gand
aient humblement supplié a nostre seigneur le roy et a nous que de
eulx voulsissons avoir pitié, mercy et misericorde, et que
nostre dit seigneur et nous leur voulsissons pardonner toutes les
offences et mesfais par eulx et leurs complices commis et
perpetréz contre nostre dit seigneur et nous, et il soit ainsi que
nostre dit seigneur et nous, aions pitié et compassion de nos diz
subgéz par les autres lettres d’icelluy seigneur et les nostres,
et pour les causes contenues en icelles, ayons re
mis et pardonné a nos dis subgéz de Gand et leurs com
plices les diz offenses et mesfais, et aussi leur
ayons confermé leurs privileges, franchises et coustumes
et usaiges ou cas qu’ilz venront plainement a l’obbeis
sance de nostre dit seigneur et la nostre, la quelle grace et pardon les dis
de Gand et leurs complices ont receue tres humblement
de nostre dit seigneur et de nous, et par leurs lettres et mes
saiges sollennelz en grant nombre qu’ilz ont envoiéz
devers nous et nostre dit seigneur estans a Tournay, ont renon
cié a tous debas et guerres, et sont retournés de bon
cuer a la vraye obeissance de mon dit seigneur et de nous, en
promettant que d’ores en avant ilz seront bons amis,
loyaulx et vrays subgéz a nostre dit seigneur le roy, comme
leur seigneur souverain, et a nous, comme a leur seigneur naturel, a cause
de Margrite nostre compaigne, et de nous, Margite, comme
leur dame naturelle et heritiere, pourquoy nostre dit seigneur
et nous nos dis subgéz de Gand et leurs complices a
vons receuz en nostre garde et misericorde et obeissance
et donné lettres de grace, pardon et absolution purement
et absolument avec la restitution de leurs privileges,
coustumes et usaiges, si comme ces choses et autres peu
ent plus plainement apparoir par le contenu des dittes lettres.
Aprés lesquelles graces et remissons nos dis subgéz
de nostre bonne ville de Gand nous ont fait plusieurs
suplications, lesquelles nous avons receues, fait visiter
dilligemment par les gens de nostre conseil, par grant et
meure deliberacion, lesquelles leues pour le dit commun
de tout le païs pour eschever toutes discencions
qui d’ores en avant s’en puent ensuivre de nostre grace
pour amour et contemplacion de nos bons subgéz, avons
ordonné sur les dittes suplications par la maniere qui s’ensuit :
Premierement, sur ce qu’ilz ont supplié que nous voul
sissons confermer les privileges des villes de Tournay,
d’Audenarde, de Grantmont, Nievle, Tenremonde,
Ripplemonde, Alos, Haast, Arcle, Brevilies, Donze
et des chastelleries et plat païs d’icelles villes,
nous avons ordonné que les habitans d’icelles
villes venront pardevers nous et nous apporteront