seoit sur une tronche de
bois au
dehors du chastel. Adonc dist
ung Breton qui trop bien sça
voit jouer de l’arbalestre : "Voulés
vous que je le vous rende tout
mort du premier cop ?" "Ouil,"
dist
Aymerigot," je t’en prie." Cil
arbalestrier entoise et trait ung
quarreau, et assena le portier
en la teste. Le portiers quant il
se senti feru, cuida rentrer en
la
porte, mais il ne pot, car il cheÿ
la tout mort.
Aymerigot et
ses compaignons se hasterent
et entrerent dedens, si trouve
rent le portier
tout mort et sa
femme deléz luy toute effraee. A
la quelle ilz ne firent nul
mal
mais luy demanderent ou le
chastellain estoit. Elle respondi
que
il estoit a
Clermont. Les
compaignons asseurerent la
femme de sa vie affin qu’elle leur
baillast les clefs dou chastel et
de la
maistresse tour. Elle le fist.
Et puis la mirent hors, et luy
rendirent toutes ces choses
ce
que porter en pot. Si s’en vint
a
Saint Flour a une lieue de la.
Ceulx de Saint Flour furent
tous esbahis quant il sceurent
que
Aloise estoit anglesche.
¶ Asséz tost aprés prist
Aymeri
got Marchis le
fort
chastel de
Vallon par eschiellement, et
quant il fut dedans, le cappi
taine dormoit en une grosse
tour la quelle n’estoit mie a
prendre de force.
Adonc s’avisa
Aymerigot d’un soubtil tour
car il tenoit le pere et la mere
du capitaine, si les fist venir
devant la tour, et fist
semblant
que il les feroit decoler, se leur
filz ne leur rendoit la tour.
Les bonnes gens doubtoient
la mort, si dirent a leur filz qu’il
eust pitié d’eulx. Si plouroient
tout deux moult tendrement.
L’escuier eut pitié d’eulx. Si
rendit la tour, et on les bouta
hors du chastel. Ainsi
demoura
Vallon anglesche, qui greva
moult le païs. Car toutes ma
nieres de gens qui vouloient
mal faire se retraioient en ces
garnisons
anglesches, et quant
ilz estoient assembléz, ilz pouoient
estre cinc cens ou six cens lances, et
couroient toute la terre au conte
daulphin, et nul ne leur aloit
au devant tant qu’ilz feussent
ensemble. Bien est
verité que
le
sire de Sollertel, et le bastart
son frere, et ung escuier de Bour
bonnois nommé Gourdinés, qui
prist ung jour par fait d’ar
mes le dit
Aymerigot Marchis,
et le raençonna a cinq mil
frans. Ainsi se portoient les
besongnes par de dela.
SHF 2-96 sync
Du scisme qui fut fait en l’Eglise et la maniere comment, et des gens d’armes bretons qui guerroioient ceulx de Romme. Et de la royne de Napples qui rendy sa terre en la main du pappe
Clement.
Je me suis longuement
tenus a parler du fait de
l’
Eglise,
si m’y veul retourner.
Vous avéz bien ouy
Gap: sampling pb 39 r