pb [1] v
haute et tres noble dame madame Phelippe de Haynaut, royne d’Engleterre, qui
liement et doucement
le receut de moy et m’en fist grant prouffit. Or puet estre que ce livre
n’est mie examiné ne
ordené si justement que telle chose le requiert. Car fais d’armes qui si
cherement sont comparéz,
doivent estre donnéz et loyaument departiz a ceuls qui par
prouesse y travaillent, dont
pour moy acquiter envers tous, ainsi que drois est, j’ay emprise
ceste histoire a poursuir sur
l’ordenance et fondacion devant ditte a la priere et requeste d’un
mien chier seigneur et maistre,
monseigneur Robert de Namur, seigneur de Beaufort, a qui je veul devoir amour et obeissance et Diex
me laist faire chose qui
lui puisse plaire.
Ci divise l’acteur et nomme les preux et vaillans
chevaliers qui maintes prouesces firent a son temps.
Pour tous noblez cuers encourager et euls monstrer exemple et
matere d’onneur,
je
Jehan Froissart, commence a parler aprés la relacion
faite par
monseigneur Jehan le Bel,
chainoine de
Saint Lambert de Liege, et diz ainsi que plusieurs gens nobles et innobles ont parlé
par maintes foiz des guerres de
France et d’
Engleterre, qui pas justement n’en savoient ou
sauroient adire, se requis et examiné
en estoient comment ne pourquoy ne par qeuele raison
elles vindrent. Mais en
veci la droite vraye fondacion de la matere. Et pour ce que je n’y veil
mettre ne
oster, oublier ne corrompre ne abregier l’istoire en riens par deffaulte de langage,
mais la veul
multiplier et accroistre ce que je pouray, vous veul de point en point parler et
monstrer toutes
les aventures depuis la nativité du
noble roy Edouart d’Engleterre, qui
si puissamment a regné. Et tant y sont avenues d’aventures notables et
perilleuses, et tant de
batailles adrecees et d’autres fais d’armes et
de grans proesses puis l’an de Grace mil CCC
XXVI, que ce
gentilz roy fu couronné en
Angleterre, que il et tous ceuls qui ont esté
avec lui en
ces batailles et eureuse aventures ou avec ses
giens ou il n’a mie esté en
propre personne, si comme
vous pouréz ouyr ci aprés, doivent bien estre tenus et reputéz
pour preux, combien qu’il en y a
grant foyson d’eceuls, qui doivent et pevent bien estre tenus pour souverain preuz entre les
autres et devant tous autres,
si comme le propre corps du
gentilz roy dessus dit, le
prince de Galles,
son
filz, le
duc de Lencastre,
messire Jehan de Haynaut,
messire Regnault de Cobain,
messire Gautier de Manni en Hainaut,
messire
Jehan de
Chandos,
messire Franque de Halle et plusieurs autres qui se ramentevront pour
le bien et la
proesse d’eulz dedens ce livre. Car par toutes les batailles ou il ont esté, ilz ont
eu renommee
des mieulx faisans par terre et par mer, et s’i sont monstréz si vaillanment que on les doit
bien tenir pour souverains preux. Mais pour ce n’en doivent mie
les autres qui avec eulz ont
esté piz valoir. Aussi en
France a esté trouvee
bonne chevalerie, roide, forte et aperte et grant
foison. Car le
royaume de France ne fu oncques si desconfiz que on n’y trouvast bien tousjours
a qui
combatre. Et fu le
noble roy Phelippe de Valoys un treshardis et
bachelereuz chevalier et le
roy
Jehan, son filz,
Charles, roy de
Behaigne, le
conte d’Alençon, le
conte de Foix,
messire Saintré,
messire
Arnoul d’Audrehen,
messire Boucicaut,
messire Guichart d’Engle,
monsigneur de Beaujeu le pere et le filz et plusieurs autres que ne ne puis mie maintenant tous nommer et qui bien seront en
temps et
en lieu ramenteuz. Car pour verité dire et soustenir, on doit bien tenir pour asséz
preux touz
ceuls qui en si crueuses batailles et si perilleuses ont esté veüz et
demouréz jusques a la descon
fiture souffisanment faisant leur devoir.
SHF 1A-1 sync
Comment le roy Edouart, qui tant
fut preux et vaillans, fut couronné a Londres l’an mil CCC
XXVI.
Premierement pour mieulx entrer
Gap: sampling pb 2 r