pb [31] rGap: sampling
SHF 1-81 sync
Comment le roy d’Angleterre se
desloga du Mont Saint Martin et puis s’en vint logier droit sur le Mont de Saint Quentin. Et comment monseigneur Jehan de Hainault et sa route
prindrent et pillierent Oregny Saintte
Benoitte.
Ce jour eust a
Honnecourt moult fier assault et dura jusques
au vespre et y eust plussieurs
des assaillans mors et bleciéz et par especial
messire Jehan
de Haynaut y perdi un chevalier
de Hollande qui s’appelloit messire Hermant
et s’armoit d’or a une fesse coponee de gueules et
a III fermailz d’arsur
ou chief de son escu. Quant
Hanuyers,
Anglois,
Flamens et
Alemans, qui
la estoient assaillans, veirent la bonne
voulenté de ceuls de dedens, et
qu’i n’y pouoient riens
conquester, mais estoient batus et navréz et moult fouléz,
si se retrairent arriere sur le soir et
emporterent en leurs logiz les bleciéz et l’endemain au
matin se departi le
roy anglois du
Mont Saint Martin, et
commanda sur la harsc que nul ne feist mal a l’
abbaye. Son commandement
fu tenu
et puis entrerent en
Vermendois et vindrent ce jour logier de haulte heure droit
sur le
Mont Saint Quentin et la furent en bonne ordenance de bataille et les
pouoient bien
veoir
ceuls de Saint Quentin s’ilz vouloient, mais ilz n’avoient talent
de issir hors de la
ville. Si
vindrent les coureurs d’
Engleterre courir
jusques aux barrieres de
Saint Quentin et escarmouchier
a ceuls qui la se
tenoient, le
connestable de France et
messire Charles de Bloiz, qui firent leurs
gens
ordener devant les barrieres et mettre en bon convenant. Et quant les
Englois qui la se tenoient,
le
conte de Suffroch, le
conte de Norhantonne,
messire Regnault de Gobehen,
messire Gautier de
Manny et
plusieurs autres et veirent la maniere et que riens il n’y pouoient gaignier, si se retray
rent
arriere devers l’ost du
roy, qui se tenoit sur le
Mont Saint Quentin, et
furent la logiéz jusques
l’endemain a prime. Si eurent les
seigneurs conseil ensemble quelle chose ilz feroient, se ilz se trai
roiroient avant ou
royaume ou se ilz se retrairoient en
la Tierasce. Si fu conseillé et regardé
pour le meilleur et par l’advis du
duc de Braisbant qu’ilz se trairoient en
Tieresce costoiant
Haynaut,
dont les pourveances leur venroient
tous les jours, et se le
roy Phelippe les suioit a host, ainsi qu’il sup
posoient bien
qu’il le feroit, ilz l’attendroient en plain champs et se combateroient a lui sans faulte.
Adont
se parti le
roy anglois du
Mont Saint Quentin et s’arouterent toutes ses
gens et che
vauchoient en III batailles moult ordeneement, les mareschaulx et les
Alemans la
premiere bataille, le
roy
anglois la moienne et le
duc de Braisbant la tierce. Si chevauchoient
ainsi ardant et exillant le païs et n’aloient plus de trois ou de IIII lieues le jour, et se logoient
pb [31] v