pb 7 rVIIGap: sampling
SHF 1-18 sync
Comment monsigneur Hue
fut condempné a mourir en trois manieres, c’est assavoir trainé et puis coupéz
le vit et les couilles et ars en un feu comme sodomite du roy meisme et puis couppé la teste et escarteléz.
Quant la feste fut passee, le dit
messire Hue, qui point n’estoit amé la endroit, fu amené par
devant la
royne et tous les barons et chevaliers qui la estoient assembléz. La lui furent re
cordéz tous ses faiz par escript que
oncques ne dist riens a l’encontre. Siques la endroit fu
jugié par plaine suite des barons et chevaliers a justicier en tele maniere comme vous orréz. Pre
mierement il fut trainé sur I bahut a trompes et a trompettes par toute la
ville de Harfort,
de rue en rue, et puis fu amené en une grant place en la
ville, la ou tout le
peuple estoit
assamblé. La endroit fu il liéz hault sur une esselle, siques chascun petit et grant le pouoit
veoir
et avoit on fait en la dicte place un grant feu. Quant il fu ainsi
liéz, on lui coppa tout
premier le vit et les coulles, pour ce qu’il estoit herite et sodomittes, ainsi que on disoit mes
mement du
roy, et pour ce avoit le
roy dechacié la
royne de lui et par son ennort. Quant
le vit et les coulles lui furent coppees, on les geta ou feu pour ardoir,
Gap: wanting par tant qu’il estoit faulz de
cuer
et traitte et que par son traitte conseil et ennort, le
roy avoit
honni
son royaume et mis
a meschief et avoit fait decoler les plus grans
barons d’
Engleterre, par lesquex le
royaume
devoit estre soustenu et defendu, et aprés il avoit si ennorté le
roy qu’il ne pouoit ne vouloit
veoir la
royne, sa femme, ne
son ainsné filz, qui devoit estre leur sire, ains les avoit dechaciéz
pour
doubte de leurs corps hors du
royaume d’Engleterre. Aprés
quant le dit
messire Hue fu
ainsi atourné, comme dit est, on lui coppa
la teste et fu envoiee en la
cité de Londres et puis fu
decoppé en IIII quartiers, et furent tantost envoiéz en
IIII meilleurs citéz d’Engleterre aprés
Londres.
SHF 1-19 sync
Aprés ceste justice faite
Gap: sampling pb 7 v