a aler pardessoubz les fosséz, si ne fut
mie si tost
fait.
Comment messire
Gautier de Manni trouva le
tombeau son pere en faisant miner le chastel de la Riole, et
l’occasion qui jadiz avoit esté de sa mort.
Endementiers que on seoit la
et que ses mineurs minoient,
monseigneurs Gautier de Manni s’avisa de
son,
qui jadis avoit esté occis ens ou voi
aige de
Saint Jaques, et avoit oy recor
der en son enfance qu’il devoit estre
ensevelli en la Riolle, ou la environ,
si fist assavoir parmy la ville de
la
Riolle, s’il estoit nul qui sceust la ve
rité a dire ou il fut mis, et on lui
me
nest,
il donroit a cellui C escus.
Ces nouvelles s’espartirent partout,
dont se
traïst avant un ancien homme
durement qui en cuidoit savoir au
cune chose, et vint a
monseigneur Gautier
de Manni et lui dist: "Certes sire, je vous
cuide bien mener ou lieu, ou asséz pres,
ou vostre seigneur de pere fut jadis ense
velis." De ces nouvelles fut monseigneur
Gautier tout joyeux, et dist,
se ces pa
roles estoient trouvees en vray, qu’il
en tendroit son convent et encores
oultre. Or vous recorderay la matiere
du pere ou seigneur de Manni et puis
retourneray au fait.
SHF 1-231 sync
Il y ot jadis un evesque
en
Cam
bresis qui fut gascon et de
ceulz de Mirepois et de Beu, qui furent
grant lignage et fors pour le temps de
lors en
Gascoingne. Or avint que
du temps de cestui evesque un tres
grant
tournoyenment se fist dehors
Cambray, et y ot bien a ce tournoie
ment
V
C chevaliers tournoians richement
arméz et montéz. Cilz s’adreça
a monseigneur
le Borgne de Manni, pere au dit monseigneur
Gautier et a ses
freres, qui
estoient durs chevaliers, roides et fors et
bien tournoyans, si fut telement
le jeune homme gascon manié et
batu que oncques
puis le tournoye
ment il n’ot santé et mourut, de la
mort de lui fut encoulpé le sire
de
Manni, et demoura en la haine et
maltalent du dit evesque de Cam
bray et de son lignaige. Environ
II ans ou III
aprés, ces bonnes gens
s’en ensonnierent et en fut la paix
faicte, et en nom d’amende
et de paix,
ce sire de Manni en dot ainsi aler a
Saint Jaques en Galice. Et en ce temps
qu’il fut en ce voyage, seant devant
la ville de la
Riolle messire Charles
conte de Valois, frere du beau roy
Phelippe, et avoit sis un grant temps,
car elle se tenoit englesche, avecques
plusieurs
autres villes et cités
qui estoient au roy d’Engleterre,
perre a cellui qui assega
Tournay.
¶ Siques le dit sire de Manni a son
retour s’en vint veoir
le conte de Va
lois, car le conte Guillaume avoit a fem
me sa
fille, et lui monstra ses lettres,
car il estoit la comme roy de France.
Avint que, ce soir, le sire de Manni
s’en revenoit en son hostel, si fut es
pié
et actendu du linaige d’icellui
pour qui il avoit fait le voyage, et
droit au dehors du
logeis il fut
pris, occis et murtris, et ne pot on onc
ques savoir la verité qui l’avoit
oc
cis, fors que tant les dessus dis
en furent suspeçonnéz, mais ilz
estoient adonc
si fors qu’ils s’en
passerent et s’en escusserent, ne nul
ne se fist partie pour le seigneur
de Manni. Si le fist le conte de Va
loys ensevelir en ce champ
ou une
petite chappelle estoit, qui pour le
temps de lors estoit hors de la ville,
pb 129 r (vol. 1)