du
royaume d’Escoce.
SHF 1-50 sync
Quant le jour de parlement
approucha que le
roy anglois avoit
establi et
tout le païs fut
assemblé aux mandement du
roy a
Londres, le
roy leur fist monstrer
comment il avoit requis au
roy
d’Escoce qu’il ostast sa main de
Ber
vich qu’il
detenoit a tort et qu’il
lui venist faire hommaige du
royaulme d’Escoce,
comme tenu
y estoit, et la responce qu’il avoit
faitte a ses messagiers. Si prioit
a tous qu’ilz le voulsissent tellement
conseillier que son honneur y feust
gardee.
¶ Tous les barons, les
chevaliers, les
consaulx des
cités et des
bonnes villes et tout le
commun se conseillierent et
rapporterent
tous par commun accord comme il
leur sembloit que le
roy
ne pouoit
plus porter a son honneur les tor
faiz que le
roy d’Escoce lui
faisoit.
Si conseillerent que le
roy se pour
chaçast et pourveist si efforcee
ment qu’il peust ravoir la
cité
de Bervich et entrer ou
royaume
d’Escoce afin de contraindre le
roy en telle maniere qu’il feust tout
joyeulx de venir a son hommaige,
et qu’ilz estoient tous prests et
desirans d’aler
avecques lui a son
commandement.
¶ Moult fut
joyeulx le
roy Edouart de celle
responce. Car il
veoit bien la bonne
voulenté de ses gens.
¶ Si les
regracia moult grandement en
leur priant que chascun feust appa
reillé selon son estat et feussent
a un jour nommé droit a
Neuf
chastel
sur Thin pour aler recon
querre les droittures appartenans