traire les pilos hors, mais l’en
gin de Vallenciennes gettoit
onniement a ceulx de Mortaigne.
SHF 1-128 sync Le tiers jour fut la nef
toute ordonnee et habil
lee, et l’engin dedens assis et ap
pareillié pour traire hors les
pilos. Lors commencierent a
aler ceulx qui s’en ensoinnoient
au dessus les pilotis et en pri
strent a ouvrer, si comme commandé
leur fut. Si s’afficherent a oster
les pilos, dont il y en avoit en
l’Escault semé grant foison. Maiz
tant de peine et de labeur orent
ainçois qu’ilz en peussent avoir
I, que merveilles fut a pensser.
Si regarderent et considererent
les seigneurs que jamais ilz
n’aroient fait. Si commanderent
a cesser cest ouvrage. D’aultre
part, il y avoit dedens Mortaigne
un engigneur, tresbon maistre,
qui avisa et considera l’engin de
ceulx de Valenciennes et comment
il grevoit leur forteresce. Si en
leva un ou chastel qui n’estoit mie
trop grant, et le trempa bien
a point, et ne le fist mie getter
que trois fois, dont la premiere
pierre chei a XII piéz de l’engin
de Valenciennes, la segonde au
pié de la huche, et la tierce pi
erre fut si bien apointee qu’elle
fery l’engin parmi la flesche,
et rompi en deux moittiéz.
Adonc fut grande la huee des
souldoiers de Mortaigne et de
ceulx de Valenciennes pour leur
engin qui estoit rompu ou my
lieu, et l’alerent regarder a grant
merveille.
SHF 1-129 sync Ainsi furent les Haynuiers
devant Mortaigne deux
nuis et III jours, que rien ne
conquistrent. Si ot le dit conte
de Haynault, son oncle, advis et
voulenté d’eulx retraire au siege
de Tournay, et donnerent congié
a ceulx de Vallenciennes de re
tourner en leur ville. Ainsi se parti
ceste assemblee, les Valenciennois
se retrairent arriere a Valenci
ennes et le conte et ses chevaliers
revindrent en l’ost devant Tour
nay, et se tindrent la environ
trois jours. Et puis fist le conte
une priere aux compaignons
pour amener devant Saint A
mant, car les plaintes estoient
venues que les souldoiers
de Saint Amant avoient arse
l’abbaie de Hanon et s’estoient mis
en peine d’ardoir Vicongne, et
avoient fait plusieurs despiz
aux frontieres de Haynault.
Pourquoy le dit conte vouloit
ces forfaitures contrevengier.
Si se partit du dit siege de Tournay
a bien IIIM combatans et s’en vint
a Saint Amant, qui adont n’estoit
fermee que de paliz. Bien avoi
ent les souldoiers qui estoient de
dens entendu que le conte de Hay
nault les vendroit veoir, mais
ilz s’estoient glorifiéz en leur or
gueil, qu’ilz n’en faisoient nul
compte. ¶ Adonc estoit gardi
en et cappitaine de Saint Amant
un bon chevalier de Languedoc nommé
le seneschal de Carcassonne, lequel
avoit bien ymaginé et conside
ré la force de la ville. Si en avoit
dit son advis aux moynes et a
ceulx qui estoient demouréz pour
garder l’abbaie et la ville et disoit
bien que ce n’estoit pas une for
teresce tenable contre un ost, non
qu’il ne s’en voulsist partir, mais
demourer et garder a son loyal
pouoir, ains le disoit par ma
niere de conseil. Les parolles du
chevallier ne furent mie oyes ne cre
ues bien a point, si comme vous or
réz comment il leur en mesavint
cy aprés. ¶ Toutesvoies, par son
ennort il avoit fait dés long temps
les plus riches joyaulx de l’abbaie
et de la ville vuidier et porter a
Mortaigne a sauveté, et la aler
l’abbé et tous les moynes qui n’es
toient tailliéz d’eulx deffendre. ¶
Ceulx de Valenciennes, qui avoient
esté mandéz du conte leur seigneur
qu’ilz feussent a un certain jour
devant Saint Amand, et il seroit
a l’autre léz, ilz vindrent, ainsi que
commandé leur fut, en tresbon
couvenant, et estoient XIIM com
paignons combatans. Sitost qu’
ilz furent devant Saint Amand,
ilz se logierent et mistrent en bon
ne ordonnance, et puis orent con
seil d’aler assaillir. Si firent ar
mer tous leurs arbalestriers et
puis traire vers le pont de l’Escarp.
La commença l’assault dur et fier
et perilleux durement, et en y
ot plusieurs bleciéz et navréz
de l’un lés et de l’autre. Et dura cest
assault tout le jour, que oncques
ceulx de Valenciennes ne porent
riens forfaire, mais en y ot des
mors et des navréz grant
foison des leurs, et disoient pb 74 v (vol. 1)