et de ce peril, et feroit moult grans
coups de l’espee sur le bacinet et
sur
le dos du seigneur de Sconne
nort, mais le sire de Sconnenort
qui bien estoit arméz brisoit les
coups a la fois et les recevoit
moult vassaulment. Et
tant
fist finablement que le sire de
Montmorency demoura son prisonnier,
et fut tiréz hors de la presse et
creanta prison, tandiz que les autres
se
combatoient.
¶ La fut bon
chevalier messire Ernoul de Rande
rodene, messire Henry de Kenke
ren, messire Thielemans, messire
Bastiiens de Barsiés et Candeli
ers son frere, et messire Robert
de Glennes. Et tant firent lors
les
Allemans et leur route qu’ilz
obtindrent la place, et pristrent
bien IIII
XX prisonniers
gentilz hom
mes dessoubz la baniere de
monseigneur
Charles de Montmorancy. Et puis
rapasserent le pont sans dom
maige et s’en vindrent en l’ost
devant
Tournay, et puis alerent
veoir les seigneurs, dont ilz furent
bien conjouys.
SHF 1-133 sync
De la prise de
monseigneur Charles
de Montmorenci furent
les
François moult courrouciéz,
mais admender ne le porent,
tant
comme adoncques. Ceste
chose passa, le siege se tint, les
prisonniers se
raençonnerent et
se delivrerent au plus tost qu’ilz
porent.
¶ Or vous recorderons
d’une adventure qui advint aux
Flamens que
messire Robert
d’Artois et messire Henry de
Flandres gouvernoient, dont
ilz estoient plus de LX
M, tant
de la
ville d’Ippre comme de
Pro
pringhe, de Messines, de
Cassel et de la
chastellerie de Berghes.
Et se tenoient les
Flamens tous
dessus diz, dont les dessus diz es
toient chiefs ou val de Cassel, lo
giéz en tentes et en trefs, en tres
grant arroy pour contrester con
tre les garnisons françoises que
le roy Phelippe avoit envoiéz a
Saint
Omer, a
Aire, a Saint Venant et es
villes et forteresces voisines. Et
estoient dedens
Saint Omer le con
te daulphin d’Auvergne, le sire de
Mercueil, le sire de Calenchon, le
sire de Montagu, le sire de Roche
fort, le viconte de Thouars et plu
sieurs autres
chevaliers d’
Auvergne et de
Limosin. Et dedens
Aire et
dedens Saint Venant estoient
aussi grant
foison, lesquelx ys
soient souvent pour escarmou
chier aux
Flamens, ou souvent
gaingnoient et perdoient.
¶ Or advint un jour que environ
IIII
M Flamens, legiers et habiles
compaignons, s’en vindrent de
leurs logeis
hustiner a
Saint Omer,
et brisierent les faubourcs et
entrerent es
maisons, qu’ilz pil
lerent et roberent incontinent.
Si monta la noise et l’effroy a
Saint
Omer. Donc s’armerent les seigneurs
qui leans estoient
avecques leurs
gens, et puis passerent par
une aultre porte que celle ou
les
Flamens estoient, et pouoi
ent estre II
C
bacinés a six banieres
et environ V
C bidaus
tous a pié
et chevaucherent tout autour
de
Saint Omer ainsi que les
gui
des les menoient. Si qu’ilz vindrent
pb 77 v (vol. 1)