sçavoir lors quel droit vous y pou
éz et devéz avoir. Et s’autrement
le faittes, sachiés
que vous me cour
rouceréz". Si respondi le conte: "Sire,
a
vostre voulenté." Et se parti
a tant du roy et vint en son hostel
pour
disner.
¶ Quant il fut
venu en son hostel, il entra en sa
chambre et commença
a penser
que, s’il attendoit le jugement des
barons des France et des pers,
il pourroit bien tourner contre
lui. Car il lui sembloit que le roy
feroit plus voulentiers partie
pour monseigneur Charles de Blois son
nepveu que pour lui. Et si veoit
bien que, s’il avoit jugement contre
lui, le roy le feroit arrester jusques
atant qu’il eust rendues villes
et chasteaulx et citéz dont
il te
noit la possession, et avec tout
ce, tout le tresor qu’il avoit trou
vé et despendu.
Si lui fut advis,
pour le moins mal, que mieulx
lui valoit qu’il courrouçast le roy
et s’en ralast paisiblement en
Bretaigne, que il demourast a
Paris en ce dangier et peril.
Tout ainsi qu’il le pensa, ainsi fut
fait. Car il monta si celeement
et si paisiblement a cheval et
se parti a si petite
compaignie,
qu’il fut ainçois en
Bretaigne que le roy ne
autre, fors ceulx
de son conseil, sceussent rien de
son departement. Ains pensoit
chascun qu’il feust deshaitié en son
hostel.
¶ Quant il fut re
tournéz deléz la contesse sa femme,
qui
estoit a
Nantes, il lui compta
son adventure. Puis s’en ala par
le
conseil de sa femme, qui bien
avoit cuer d’omme et de lion, par
toutes les citéz, les villes et cha
steaulx qui a lui s’estoient rendus,
et establi partout
bons cappitaines
et si grant planté de souldoyers
a pié et a cheval, que chascun le ser
voit voulentiers.
¶ Quant il
ot tout ordonné comme il appartenoit,
il s’en revint a
Nantes deléz sa femme
et les
bourgois de la cité qui
dure
ment l’amoient par semblant,
pour les grans courtoisies qu’il
leur faisoit.
¶ Or me tairay un
petit de lui et retourneray au roy
de France et son nepveu messire
Charles de Blois.
SHF 1-146 sync
Chascun doit sçavoir que le roy
de France fut durement cour
roucié, et aussi fut messire Charles
de
Blois, quant ilz sçeurent que le con
te de Montfort leur estoit ainsi eschap
péz, comme oy avéz. Toutesvoies ilz
attendirent jusques a la XV
e que les
pers et barons de France devoi
ent leur jugement rendre de la
duchié de Bretaigne. Si l’ajugie
rent du tout a messire Charles de
Blois, et en osterent du tout le conte
de Montfort pour trois
raison,
dont l’une estoit pour tant
l que
la
femme a messire Charles
de Blois,
qui estoit fille du frere germain
du duc qui mort estoit, depar le
pere dont la duchié venoit, estoit plus
proisme que n’estoit le conte
de Mont
fort, qui estoit d’un autre pere lequel
n’avoit oncques esté
duc de Bretaigne.
L’autre raison si estoit que, s’il feust
ainsi que le conte de
Montfort y eust
aucun droit, si l’avoit il forfait par
deux raisons,
l’une pour tant qu’il
avoit relevé d’autre seigneur que du
pb 85 v (vol. 1)