l’un a l’autre: "Et quel chose attendons nous
que ne les alons nous combatre?" Quant
le conte de Flandres, qui se tenoit en son
hostel, en fut infourmé, sy lui vint a
grant merveille et dist: "Veéz la foles
gens et oultrageux ! La male mesche
ance les chace bien, de toute la compaig
nie jamais pié n’en eschappera. Or arons
nous maintenant fin de guerre." A
donc ouy le conte sa messe et tousjours
venoient chevaliers de Flandres, de Hay
nault et d’Artoys, qui servoient devers
lui pour savoir quelle chose il vou
loit faire. Ainsi qu’ilz venoient, il les
recueilloit bellement et leur disoit:
"Nous yrons combatre ces mescheans
gens. Encores sont ilz vaillans", dist
le conte, "ilz ont plus chier mourir
par espees que par famine." Adonc fut
conseillié que on envoieroit trois hom
mes d’armes chevaucheurs sur les
champs pour adviser le convenant
de ceulx de Gand et comment ilz se te
noient ne quelle ordonnance ilz avoi
ent. Si furent du mareschal de Flan
dres ordonnéz trois vaillans hommes
d’armes escuiers pour les aler advi
sier, Lambert de Lambres, Damas de
Bussy et Jehan de Beart, et partirent
tous trois de Bruges, et pristrent les
champs montéz sus fleurs de cour
siers et chevauchierent vers les enne
mis. Entrementres que ces trois fai
soient ce dont ilz estoient chargiéz, en
Bruges toutes manieres de gens s’ar
merent en tresgrant voulenté de ys
sir dehors pour combatre les Gantois,
desquelz je parleray un petit et de leur
ordonnance. Ce samedi au matin Phelippe
d’Artevelle ordonna que toutes gens
se meissent envers Dieu et que messes
feussent en plusieurs lieux chantees.