et aux aultres qui tantost le examine
rent, car ilz virent bien que il estoit
angloys. Ilz voldrent savoir la verité
qui la l’amenoit, trop enviz le disoit.
Toutes foiz
il fut menéz si avant qu’il
congnuit toute la verité. Car on lui
dist se il ne le disoit sans
merci on
lui couperoit la teste; et se il disoit
verité, il n’auroit garde de mort. La
congnut il pour sa salvacion que les
barons de Northombelande l’avoient
la
envoyé pour savoir l’estat de leur
chevauchie, et quel part ilz se vou
loient traire. De
ceste parole furent
les barons grandement resjoys, et
ne voulsissent pour nule riens que
ilz ne l’eussent retenu et parle a lui.
¶ Adonc lui fut demandé quele part
les
barons de Northombelande
estoient
et se entr’eulx estoient nulz apparans
du chevaucher, et le quel chemin en
Escoce ilz vouloient tenir ou selon la
marine par
Bervich et par
Dombare ou le hault chemin par la conté de
Montres et devers Strumelin. Il res
pondi, et dist : "Seigneurs,
puis qu’il
couvient que je congnoisse verité, je
le diray. Quant je me departy de
eulx, et du
Neufchastel sur Thim, il
n’estoit oncorez nul apparant de leur
chevauchee. Mais ilz sont tous pour
veüz pour partir du jour a l’ende
main. Et si
tost que ilz sauront que
vous chevaucheréz, et que vous en
treréz en
Angleterre, ilz ne venront
point au devant. Car ilz ne sont
pas gens asséz pour
combatre sy
grant peuple que on dit en
Angle
terre que vous vous
mettréz ensam
ble." "Et quel nombre dist on en
Nor
thombelande", demanda le conte de
Mouret, "que nous
serons ?" "On dit, sire,"
respondi l’escuier, "que
vous seréz bien XL
M hommes et XII
C
lances. Et pour brisier
vostre fait se vous prenéz le chemin de
Galles,
ilz prendront le chemin de
Be
rvich pour venir par
Dombare en
Hande
bourch et a
Dalquest; et se vous prenéz
ce chemin la, ilz prendront le chemin
de
Carduel et de Carlion pour entrer
par les montaignes en ce paÿs." Quant
les seigneurs
d’
Escoce ouyrent ce, si se
cesserent de parler et regarderent l’un
l’autre. Adonc fut pris l’escuier angloys et
recommandé au chastelain de
Gedours que
il le gardast bien, et que il en rendesist bon
compte, et puis parlerent
ensamble et
orent conseil et nouvel adviz en ce pro
pre lieu de Zedon.
SHF 3-285 sync
Trop estoient resjouiz les barons
d’Ecoce et tenoient ceste adven
ture a belle de ce que ilz savoient ainsi
veritablement le couvenant de leurs
ennemis, et regarderent sur ce comment
ilz se
cheviroient. Les plus sages et
les mieulx uséz d’armes parlerent, ce
furent messire
Arcembaux de Douglas,
le conte de Fii, messire Alexandre
de
Ramesay, messire Jehan de Saint
Clar, et messire Jaques de Lindesee,
et dirent : "Affin que nous ne faillons
a nostre entente, nous conseillons
pour
le meilleur que nous facions deux
chevauchees parquoy noz adversaires
ne
sauront aux quelx entendre, et la
plus grande chevauchee, et tout l’ost
et nostre
sommaige et chariage s’en
voise vers Carlion en Galles et l’autre
chevauchee de III ou quatre cens lances
et deux mil gros varletz et archiers
et tous bien montéz, car il le couvient,
s’en voisent
devers le
Neufchastel sur pb 17 v