Jehan de Hollandes et messire Thomas
de Persy : "Monseigneur, la derraine parolle
que le roy de Portingal nous dist
fut telle que vous vous traiéz sur
les champs quant il vous plairra.
Car il se traira aussi a toute sa puis
sance et entrera en Castille." "Ce
sont bonnes nouvelles", ce dist le duc.
Environ XV jours aprés ce que le
connestable et l’admiral furent re
tournéz du Port et des nopces du roy
de Portingal s’ordonnerent le duc
de Lancastre et ses gens pour che
vauchier et pour aler conquerir vil
les et chasteaulx en Gallice. Encores
n’estoit pas le duc seigneur de tous ne
de toutes les villes et fut ordonné
du conseil du duc et il appartenoit
qu’il feust ainsi que quant le duc
partiroit de la ville de Saint Jaques
la duchesse et sa fille Katherine en
partiroient aussi et s’en yroient
au Port de Portingal veoir le roy
et la jeune royne. ¶ Si furent
ainsi ordonnees les besoingnes com
me du duc et de leur jeune fille aus
si. Et fut la ville de Saint Jaques
a un chevallier d’Angleterre baillee
a garder et pour en estre cappitaine
lequel on appelloit messire Loÿs
Clissort et avoit dessoubz lui XXX
lances et cent archiers. SHF 3-141 sync ¶ Or se
desparti le duc de Lancastre et tou
tes ses gens, riens n’y demoura
en la garnison fors ceulx qui ordonnéz
estoient a demourer et chevauchie
rent le duc et la duchesse devers la
cité de Besances, c’est a l’un des cornéz
de Gallice la derraine bonne ville de
vers le royaulme de Portingal et
ou droit chemin du Port et de Com
mimbres. Et pour ce que madame