seréz logiéz, je vous yray veoir a tout le
demourant de mon peuple. Je vueil tou
te Honguerie mettre en ma subjection
et puis le royaume d’Almaigne. Il m’est
destiné, ce dient les sors de mon paÿs, et
et devins d’Egipte que je doy estre sire
et roy de tout le monde. Et le lieu que
je verroie et ou je yroie le plus voulen
tiers, ce seroit a Romme. Car elle est
anciennement de nostre heritage. Et
noz predecesseurs l’ont conquise et
gouvernee par plusieurs foys, et la
vueil je porter couronne. Et y menraye
le califfe de Baudas, et le tacon de
Tartarie et le souldain de Babiloine,
qui m’y couronneront." Ceulx respondi
rent qui estoient a genoulz devant
Lamorath qu’ilz acompliroient son desir
et son plaisir et se departirent de lui
atout LXM Turcs entre lesquelx il en y
avoit XXM de tous les plus aidables et
les plus preux et les mieulx arméz
de toute Turquie et ceulx menoient
l’avantgarde. ¶ Tant exploiterent
qu’ilz vindrent entre les montaignes
de Lazara. Si ne trouverent a l’entree
du pas nul empeschement et se bou
terent ceulx de l’avantgarde dedens, si
les conduisoient le duc de Meque et
le duc de Damiete et passa ceste avant
garde toute l’embusche du conte de
Lazara. Quant le conte et les Hon
gres virent qu’ilz en avoient leur
charge, ilz firent ouvriers mettre
en oeuvre et abatre boys et gros sapins
et mettre et getter a travers le pas et
empeschierent si les destrois que tout
fut cloz ne il n’estoit pas en puissance
d’omme de point aler avant. La y ot
encloz bien XXXM Turs qui furent des
Hongres assailliz et tellement menéz
Gap: fragmentary " SHF 3-139 sync Gap: fragmentarypb 19 r