tier, ung grant baron d’Angleterre, atout
cent lances et deux cens archiers et
lui dist au partir de Besances : "Dame,
vous vous tenréz la en Compostelle et
nous irons, le roy de Portingal, mon filz,
et nos gens en Castille requerre noz
ennemis et les combatrons ou que nous
les trouverons. Celle saison yci verrons
nous se jamaiz arons riens ou royau
me de Castille." La dame respondit :
"Dieux y ait part." Ainsi furent les
departies pour le present. Messire
Thomas de Persy et le seigneur de
Filwatier convoierent la duchesse a
tout deux cens lances hors des perilz
et puis retournerent devers le duc,
qui ja estoit parti de Besances et che
vaulchoit vers une ville en Gallice que
on nomme Aurenc. Laquele lui estoit
rebelle ne ne lui vouloit obeir, car elle
estoit forte et y avoit Bretons en gar
nison qui l’avoient prise a garder sur
leurs perilz. Et pour ce que ilz sento
ient bien que le duc et les Angloys
venroient celle part, ilz s’estoient en
corez fortifiéz grandement. ¶ Le
mareschal de l’ost avoit bien oy parler
de ceulx d’Aurench en Gallice qui ne
vouloient obeir et que tous les jours
ilz se fortifioient. Sy conseillerent
le connestable, messire Jehan de Hol
landes, et eulx a la venir. Dont s’adre
cierent toutes manieres de gens d’ar
mes celle part, et tant firent que ilz
vindrent asséz pres, et se logerent
a l’environ. La premiere nuit que ilz
furent venuz, il faisoit si bel et sy
chault que plus ne pouoit car c’estoit
environ l’Assencion. Si firent les se
igneurs tendre tentes et trefs en ses
beaulx plains dessoubz ces oliviers pb