les
Bavieres anciennement
on tousjours esté du conseil
de France.
A ces parolles avoit
respondu le duc Frederic et
dist que nenil, mais son
fre
re aisné le duc Estienne en
Baviere en avoit une belle.
"Et de quel
eage?" avoient de
mandé les oncles du roy. Et
le duc Frederic
avoit respon
du: "Entre XIII et XIIII". Et
adont
dirent les oncles du
roy : "C’est tout ce qu’il nous fault.
Quant vous
retourneréz
en
Baviere, parléz en a vostre
frere et amenéz vostre cousine
en peregrinaige a
Saint Jehan
d’Amiens, et le
roy sera la. Se
il la voit, espoir la convoite
ra il, car il voit voulentiers
toutes belles choses et les ay
me. Et s’elle lui eschiet au
ceur, elle sera royne de
France."
Ainsi allerent les premieres
convenences, ne plus n’en
eut dit
ne fait. Et ne savoit
le roy de France riens qu’on
avoit parlé de son mariage.
Et quant le duc Frederic
fut retourné en
Baviere, il
remonstra toutes ces choses
a son frere le duc Estienne,
qui pensa bien
longuement
sus, et lui respondi : "Beau fre
re, je croy moult bien que il
soit ainsi que vous me dit
tes, et ma fille seroit bien eu
reuse, s’elle pouoit
venir a si
hault honneur comme d’estre
royne de France. Mais il y
a moult
loingz d’icy, et si
a trop grant regart a faire
une royne et femme de roy.
Si
seroie trop courouchié, se
on avoit menee en France
ma fille et qu’elle me feust
renvoyee. J’ay asséz plus chier
que je la marie
a mon aise
deléz moy." Ce fut la responce
que le duc Estienne avoit
donné a son frere, de quoy
le duc Frederic se contenta as
séz et en
avoit rescript asséz
sur celle forme a
son oncle
le duc Aubert et
madame
de Brabant, ausquelz il en
avoit parlé a son retour,
et cuidoit bien qu’on eust
mis toutes ces parolles en
nonchalloir. Et on parloit on
aussi du mariage du roy
a la fille du duc de Lorraine,
et si feust le roy asséz tost
consentu. Car elle estoit as
séz belle damoiselle et de
son eage, de grant et noble
extraction de
ceulx de Bloiz.
Et aussi fut parlé de la fil
le du duc de
Lancastre, qui
depuis fut royne de Portin
gal, mais on n’y pouoit
trouver nul bon moyen pour
leur guerre, si demoura la
chose en cest estat.
¶ Or
remist sus la
ducesse de Bra
bant, quant elle fut a
Cam
bray aux mariages dessus
ditz de
Bourgoingne et de
Haynau (Et le roy et ses on
cles y furent, le
duc de
Bour
goingne et le duc de Bour
bon), le mariage de
Baviere,
et dit que c’estoit le plus
prouffitable et plus hon
nourable pour la cause
des aliances qui en pouoient
descendre et venir des
Alle
mans,
qu’elle sceust a present
pb 383 v