et leurs complices commis et perpetréz
contre nostre dist seigneur et nous aians
pitié et compacion de nos dis
subgetz, par les autres lectrez
d’icellui nostre dit seigneur et les nostres, et
pour les causez contenues en
icelles, aions remis et pardoné
a nos dis subgetz de Gand et leurs
complices les dites offences et
meffais, et aussi leur aions
confermé leurs previleges, franchises,
coustumes et usaiges, ou cas qu’
ilz venront plainement a obeissance
de nostre dit seigneur et de nous. Gap: wanting Et par
leur lectres et messages so
lempnelx en grant nombre que
ilz ont envoié devers nous et
les gens de nostre dist seigneur estans
a Tournay, ont renuncé de bon
cueur et se sont retournés a
la vraye obeissance de nostre dit seigneur
et nous, en prometant que
d’ores en avant qu’ilz seront bons et loy
aulx et vrays subgés a nostre dit
seigneur le roy, comme a leur seigneur souverain
et de nous, comme a leur seigneur natu
rel, a cause de Marguerite nostre
compaigne et de nous Marguerite
comme leur dame naturelle et
heritiere, pour quoy nostre dit seigneur et
nous nos dis subgés de Gand et
les complices avons receu
en nostre garde et misericorde et
obeissance et donné lectres
de grace, pardon et remission
purement et absolutement, avec
la restitucion de leurs previleges,
coustumes et usages, si comme
ces choses et aultres peuent plus
plainement apparoir par le
contenu des dictes lectres.
Aprés lesquelles graces et