la contesse de Montfort, qui se tenoit
a
Hambont. Si
demoura la
messire
Robert d’Artois une espace de temps
ainsi blecié que
vous avéz ouy. En
la fin il lui fut conseillié que il s’en
retournast en
Angleterre pour lui
medeciner, ainsi comme vous orréz,
car la trouverroit
il sirurgiens et
mires a sa voulenté. Si crust ce con
seil, dont il fist folie: car, au
retour en
Angleterre, il fut durement grevéz
et appresséz de la
marine. Et s’en esmu
rent ses plaies tellement que, quant
il fut venu et apporté a
Londres, il ne
vesqui gueres aprés, ainçois morut
de celle maladie,
dont ce fut dommage,
car il estoit courtois chevalier, preux et
hardy, et du plus
noble sang du
monde. Si fut ensevly a
Saint Pol
a Londres,
28 et lui fist le roy faire son
obseque aussi
sollempnellement
comme se feust esté son cousin ger
main le conte d’Erby. Et fut durement
plaint du roy, de la royne et des seigneurs
et des dames d’
Angleterre.
¶ Si
trestost que
messire Robert d’Artois fut
trespassé de cest
siecle, le roy anglois
en fut si durement courrouciéz qu’il
jura et dist, tout
en hault devant
tous, que jamais il n’entenderoit a
autre chose si auroit vengee la
mort
de lui et iroit lui mesmes en
Bretai
gnes, et attourneroit
tellement le
païs que en quarente ans aprés il
ne seroit
recouvré. Si fist le roy an
glois tantost escripre lettres et mander
par
tout son royaume que chascun, noble
et non noble, feust appareillié pour
mouvoir et partir avecques lui
avant ung mois. Et fist faire grans
amas de naves et
de vaisseaulx, et
bien pourveoir et estoffer de ce qu’il
appartenoit.
¶ Au chief d’un mois,
il se mist en mer a grans naves et
vint prendre port
asséz pres de
Vennes,
la ou
messire Robert d’Artois et sa
com
paignie arriverent, quant ilz vindrent
en
Bretaigne. Si
descendirent a terre
et mistrent par trois jours hors leurs
chevaulx et
leurs pourveances, et
au IIII
e jour ilz chevaucherent pardevers
Vennes. Et tousjours se tenoit le siege
du conte de Sallebrin et du conte de
Pennebroch devant la
cité de Rennes.
SHF 1-193 sync
Comment le roy d’Angleterre mist le siege devant Vennes et
de la contesse qui le vint festier. Et comment il assega la cité de
Nantes et comment il se partit de Nantes pour assegier Dignant.
Tant exploita le roy anglois
depuis qu’il ot prinse terre
en
Bretaigne, qu’il vint atout son ost
devant la
cité de Vennes, et
l’assega
de tous poins. Adoncques estoit de
dens messire Olivier de Cliçon, messire
Hervy de Leon, le sire de Tournemine,
messire
Geffroy de Malatrait et
messire Guy de Lohiac. Si pensoient
bien ces
chevaliers et avoient supposé de
long temps que le roy anglois ven
droit
moult effraiement et efforcement
en
Bretaigne, si comme il fist. Et
pour
quoy ilz avoient le ville et le chastel
de Vennes pourveuz tres
grossement
de toutes pourveances neccessaires,
et aussi de bonnes gardes de gens
d’armes
pour la deffendre. Et bien leur estoit
mestier, car, si tost que le roy
anglois
y fut venu et logié pardevant, il le
fist assaillir moult asprement, et
venir les archiers et traire de grant
randon a ceulx de la cité tres
fortement.
Et dura cest assault bien deux jours,
pb 101 v