moult forment ceulx qui la deffendoi
ent, et si onniement traire que a peine
osoit nul apparoir aux deffences pour
la deffendre. ¶ Entre ces archiers
avoit autres assaillans qui portoient
grans coingnies et bien tranchans,
dont, entrementres que les archiers en
soingnoient ceulx de dedens, ilz coppoi
ent les paliz, et en brief temps gran
dement les dommagerent et tant
qu’ilz en getterent ung grant pen a
terre, et puis entrerent dedens efforce
ment. ¶ Quant ceulx de la ville
virent leurs paliz rompus et les An
glois entrer dedens a grant foison,
si furent tous effraiéz, et commencerent
tous a fouir vers le marchié, car petite
raliance se fist entr’eulx, et se deffendi
rent une piece. Si vindrent les Anglois
par les nacelles dedens et vindrent
a la porte, si l’ouvrirent et entrerent
dedens toutes manieres de gens qui
entrer y vouldrent. Ainsi fut faitte
la destruction de la ville de Dignant
en Bretaigne, et fut toute courue, robee
et pillee, et messire Pierre Portebeuf
pris, qui cappitaine en estoit. Si pri
strent les Anglois desquelz qu’ilz voul
drent et gaingnerent moult grant
avoir, car elle estoit riche et plainne
de grant marchandise et d’autres
choses.
SHF 1-198 sync Quant le roy d’Angleterre ot
faite son emprinse et sa
voulenté de la ville de Dignant, il
s’en partit et la laissa toute vague
et n’ot mie conseil de la tenir. Si s’en
achemina vers Vennes. Et en chevau
chant celle part lui vindrent nou
velles de la prinse du seigneur de
Cliçon et de missire Hervy de Leon, dont