tenir a
Windesore ou chastel. Et y furent,
du
royaume d’Angleterre, contes, barons
et chevaliers, dames et damoiselles. Et
fut
la feste moult grande et moult noble,
bien festee et bien joustee, et dura par le
terme de quinze jours. Et y vindrent
pluseurs chevaliers de deça la
mer, et de
Flandres et de
Haynault et de
Braibant,
mais de
France n’en y ot nulz.
¶ La
feste seant et durant, pluseurs nou
velles vindrent au roy de
pluseurs
païs. Et par especial ilz y vindrent
chevaliers de
Gascoingne: le sire de Lespare,
le sire de Chaumont et le sire de
Muci
dent, envoiéz depar les autres chevaliers et
barons qui pour le temps de lors se te
noient
Anglois, telz que le seigneur
de Montferrant, le seigneur
de Len
duras, le seigneur de Courton, le seigneur
de Longueren, le seigneur de Grailly
et pluseurs autres, tous en l’obeissance
du
roy d’Angleterre et aussi depar la
cité de Bourdeaulx et
celle de
Bayonne.
Si furent les diz messagiers moult bien
venuz, bien
recueillis et conjouis du
roy d’Angleterre et de
son conseil. Et
remonstrerent les dessus diz au
roy comment petitement et foiblement
son bon païs de Gascoingne et ses bons
amis et les
bonnes cités de
Bourdeaulx
et de Bayonne estoient confortéz et se
coureus. Si lui prioient les
dessus diz
qu’il y voulsist envoyer ung tel cappitaine
et tant de bonnes gens d’armes
avec
lui, qu’ilz feussent fors et puissans de
resister a l’encontre des
François, qui
y tenoient les champs, avecques
ceulx qu’ilz y trouverroient
ou païs.
¶ Le
roy respondit leement et leur
dist que si feroit il. Asséz tost
aprés,
ordonna le dit
roy son cousin le conte d’Erby, et le
fist cappitaine et souverain
de tous ceulx qui yroient avecques
lui en ce voyage, et
nomma les chevaliers
qu’il vouloit qu’ilz feussent dessoubz
lui et de sa charge.
Premierement
il lui mist le
conte de Pennebroch,
le
conte de Kenfort,
29 le
baron de Stanfort,
messire Gaultier de Manny,
messire
Franke de Halle, messire Jehan
de
Lisle, messire Jehan de Graea, messire
Thomas Coq, le seigneur de Ferrieres,
les deux freres de Lindehalle,
le
Lievre
de Braibant, messire Hue de Hastingues,
messire Estienne de Tomby, le seigneur
de Manne, messire Richart
de Hebedon,
messire Normant de Finefroide, messire
Robert
d’Altem,
messire Jehan de Norvich,
messire Richart de Roclieve, messire
Robert de Quantonne, et pluseurs
autres. Et furent bien III
C chevaliers et
escuiers, VI
C
hommes d’armes et II
M archiers. Et dist le
roy d’Angleterre a
son cousin le conte d’Erby
qu’il preist
asséz or et argent et le donnast et departeist
largement aux chevaliers et
escuiers "par
quoy vous aiéz l’amour et la grace de
eulx". Car on lui en
delivreroit asséz.
¶ Encores ordonna il, ceste feste cy
durant,
messire Thomas Dangorne pour aler en
Bretaigne pardevers la
contesse de
Montfort, pour lui aidier
et garder
son païs combien que les
trieves y
feussent, car il se doubtoit
que le
roy Phelippe n’y feist guerre, pour
et sur
les parolles qu’il lui avoit re
mandees par messire Hervy de Leon.
Pour
tant y envoya il le dit
messire
Thomas a cent hommes d’armes
et
II
C archiers.
¶ Encores ordonna
il messire Guillaume de Montagu,
conte de
Sallebrin, a aler en la conté
pb 107 r