si onniement et si roide
que a peine
se pouoit ne osoit nul apparoir s’il
ne se vouloit mettre en adventure
d’estre mort ou mallement blecié.
Pardedens la
ville avecques les
Gas
coings avoit bien II
C arbalestriers
gennevois qui trop grant proffit
leur firent, car ilz estoient bien pa
veschiéz contre le
trait des
Anglois,
et ensonnierent tout le jour grande
ment les
archiers d’
Angleterre. Si en
y ot pluseurs bleciéz d’une part et
d’autre.
¶ Finablement les
Anglois,
qui estoient en leur navie, s’i
exploit
terent tellement qu’ilz rompirent
ung grant pan de palliz. Quant
ceulx de Bergerach virent le meschief,
ilz se retrairent arriere et requistrent
avoir respit tant qu’ilz feussent con
seilliéz pour eulx rendre. Il leur fut
accordé le
parfait et demourant du
jour et la nuit ensuivant jusques a
soleil levant, sauf tant
qu’ilz ne se
devoient de riens fortiffier. Ainsi se
traist chascun en son logeis.
¶ Celle
nuit furent a grant conseil les barons
de
Gascoingne, a savoir comment ilz
se maintendroient. Eulx bien con
seilliéz, ilz firent
enseller leurs chevaulx
et chargerent leur avoir et monte
rent a cheval et se partirent
envi
ron mienuit. Et chevaucherent vers
la
ville de la Riolle, qui n’estoit
mie loing
de la, ou on leur ouvry les portes.
Si entrerent ens et se logerent et
hebergerent parmi la
ville.
¶ Or
vous dirons de
ceulx de Bergerach comment ilz finerent.
SHF 1-211 sync
Quant ce vint au matin,
les
Anglois, qui estoient
tous
confortéz d’entrer en la
ville de Bergerach, feust bellement ou autre
ment, entrerent derechief en leur
navie et vindrent tout nagent a
cel endroit ou ilz
avoient rompus
les palliz. Si trouverent illecques grant
foison de
ceulx de la
ville qui estoient tous
aviséz d’eulx rendre, et prierent aux
chevalliers qu’ilz
les voulsissent prendre a mercy,
sauves leurs vies et leurs biens, et de cy
en avant
ilz se mettroient en l’obeissance
du
roy d’Angleterre. Le
conte de
Pennebroc et le
conte de Stanfort29 respondirent qu’ilz
en
parleroient voulentiers. Et puis de
manderent ou le conte de Lisle et les barons
estoient. Ilz respondirent: "Certainement
nous ne sçavons, car ilz chargerent et
trousserent des la menuit tout le leur
et se partirent, mais ilz ne distrent point
quelle part ilz aloient." Sur ces parolles
se partirent les
deux
contes dessus nom
méz et vindrent au
conte d’Erby, qui
n’estoit mie
loing de la, et lui monstrerent
tout ce que les
gens de Bergerach vouloi
ent
faire. Le
conte d’Erby, qui fut moult
noble et de tres gentil cuer, respondy: "Qui
mercy prie, mercy doit avoir. Dites leur
qu’ilz ouvrent leurs portes et nous
laissent entrer leans: nous les asseurons
de nous et des nostres." Adont
retournerent
les
deux chevalliers dessus diz et recorderent
a
ceulx de Bergerach tout ce que vous
avéz ouy. Dont ilz furent tous joyeux,
quant ilz virent qu’ilz pouoient venir
a paix. Si vindrent en la place et son
nerent les cloches, et s’assemblerent tous,
hommes et femmes, et firent les portes
ouvrir. Et vindrent a grant procession
et moult humblement contre le
conte
d’Erby et ses gens, et le menerent en la
grant eglise, et lui jurerent
feaulté et
hommage, et le recongnurent a seigneur
pb 109 v